काठमाडौँ । प्रतिनिधि सभाको बैठक आज बस्दैछ । नयाँ बानेश्वरस्थित संघीय संसद् भवनमा दिउँसो १ बजे प्रतिनिधि सभाको बैठक बस्ने भएको हो ।
आज बस्ने प्रतिनिधि सभाको बैठकमा प्रतिनिधि सभा सदस्य प्रदीप गिरिको निधनप्रति शोक प्रस्ताव प्रस्तुत गर्ने सम्भावित कार्यसूची रहेको छ ।
आजको बैठकमा सभामुख अग्निप्रसाद सापकोटाले गिरिको निधनमा शोक प्रस्ताव प्रस्तुत गर्नेछन् । यसअघि गिरिको निधनकै कारण हिजोको बैठक विशेष कारणबस स्थगित गरिएको थियो ।
यस्तै राष्ट्रिय सभाको बैठक पनि आज बस्दैछ । नयाँ बानेश्वरस्थित संघीय संसद् भवनमा दिउँसो १२.:५९ बजे राष्ट्रिय सभाको बैठक बस्ने भएको हो ।
संसद् सचिवालयका अनुसार आजको राष्ट्रियसभाको बैठकमा पनि प्रतिनिधिसभाका सदस्य गिरिको निधनमा शोक प्रस्ताव प्रस्तुत गर्ने सम्भावित कार्यसूची रहेको छ ।
घाँटीको क्यान्सरबाट पीडित नेता गिरिको शनिबार राती ९ः३० बजे ललितपुरको नख्खुस्थित मेडिसिटी अस्पतालमा ७४ वर्षको उमेरमा असामयिक निधन भएको थियो । गिरीको आइतबार साँझ अन्त्यष्टि गरिएको थियो । गिरि समाजवादी चिन्तक एवम् नेपाली कांग्रेसका नेता समेत थिए ।
यो पनि पढ्नुहोस्
‘संसद्मा प्रदीप गिरीले बोल्ने भनेपछि सांसद पर्खिएर बस्थे…’
प्रदीप गिरी : कम्युनिस्टलाई माक्र्सवाद पढाउने गुरु
समावेशी राजनीतिका प्रखर वक्ता नेता प्रदीप गिरी
