प्रधानन्यायाधीशविरुद्ध चौथो चरणको आन्दोलन घोषणा गर्न बारको बैठक जारी Nepalpatra प्रधानन्यायाधीशविरुद्ध चौथो चरणको आन्दोलन घोषणा गर्न बारको बैठक जारी
१५ असार २०७९, बुधबार

प्रधानन्यायाधीशविरुद्ध चौथो चरणको आन्दोलन घोषणा गर्न बारको बैठक जारी


नेपाल बार एसोसिएसन

काठमाडौं । प्रधानन्यायाधीश चोलेन्द्रशमशेर जबराविरुद्ध चौथो चरणको आन्दोलन घोषणा गर्न बारको बैठक जारी रहेको छ । प्रधानन्यायाधीश जबराको राजीनामा माग गर्दै आन्दोलनरत कानुन व्यवसायीले चौथो चरणको विरोधका कार्यक्रम घोषणा गर्न बैठक जारी रहेको हो ।

नेपाल बार एसोसिएसनको कार्य समितिसँगै सल्लाहकार समिति र सर्वोच्च अदालत बारको कार्यसमिति सहित सल्लाकार समितिको बैठक पनि जारी रहेको हो ।

प्रधानन्यायाधीश जबराको राजीनामा माग्दै आन्दोलनरत कानुन व्यवसायी र प्रहरीबीच सर्वोच्च अदालत परिसरमा आज पनि घम्साघम्सी भएको छ । आज शुक्रबार प्रधानन्यायाधीश छिर्ने अर्को गेटतर्फ प्रदर्शनकारी कानून व्यवसायीहरु जाने क्रममा प्रहरीले रोक्दा झडप हुँदा २ जना कानुन व्यवसायी घाइते भएका छन् ।

कानून व्यवसायीलाई प्रहरीले लाठी चार्ज गर्दा सर्वोच्च बारका पूर्वसदस्य लक्ष्मी पोखरेल र उच्च अदालत बारका पूर्वसदस्य पवित्रा तिवारी घाइते भएको वारका प्रतिनिधिहरुले बताएका छन् ।

आन्दोलनरत कानून व्यवसायीहरुले ‘अदालत परिसर हाम्रो हो, दंगा प्रहरी फिर्ता जाउ, कानुन व्यवसायीको एकता जिन्दावाद, हाम्रो आन्दोलन जारी छ । स्वतन्त्र न्यायपालिका कायम गर, नेपाल बार एसोसिएसन जिन्दावाद’, लगायतका नारा लगाएका छन् ।

चौथो चरणको आन्दोलनको घोषणा गर्न लागेका कानुन व्यवसायीहरू वा भने सडकमा निस्कने तयारी गर्दै देशभरका उच्च अदालतमा केही दिनपछि बृहत् सभा गर्ने नेपाल बारले तयारी गरेको छ ।

नेपाल बारले घोषणा गरेको तेस्रो चरणको आन्दोलनका कार्यक्रम आज सकिँन लागेकोले चौथो चरणको आन्दोलनका कार्यक्रम घोषणा गर्न नेपाल बारका पदाधिकारी आकस्मिक बैठकमा जुटेका हुन् ।

यो पनि पढ्नुहोस्

प्रधानन्यायाधीश जबराले तोके १० इजलासमा २२२ मुद्दा

प्रधानन्यायाधीश जबराले तोके बन्दी प्रत्यक्षीकरणसहित सबै खाले मुद्दाको पेशी

सर्वोच्च परिसरमा झडप : प्रहरीको लाठी चार्जबाट २ जना वकिल घाइते

सर्वोच्च परिसरमा आज पनि कानून व्यवसायी र प्रहरीबीच घम्साघम्सी


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !