एमाले औपचारिक रुपमै फुटेकै दिन ओली नाचेको भिडियो सामाजिक सञ्जालमा भाइरल Nepalpatra एमाले औपचारिक रुपमै फुटेकै दिन ओली नाचेको भिडियो सामाजिक सञ्जालमा भाइरल
१९ असार २०७९, आइतबार

एमाले औपचारिक रुपमै फुटेकै दिन ओली नाचेको भिडियो सामाजिक सञ्जालमा भाइरल


ओली नाचेको भिडियो

काठमाडौँ । पूर्वप्रधानमन्त्री एवं एमालेका पूर्वमहासचिव माधव कुमार नेपालको नेतृत्वमा निर्वाचन आयोगमा नेकपा (एकीकृत समाजवादी) दल दर्ता भएको छ । नेपाल अध्यक्ष भएको नेकपा (एकीकृत समाजवादी) ले निर्वाचन आयोगले नयाँ दल दर्ताको प्रमाणपत्र दिएको हो ।

बुधबार राती अबेर सो पार्टीले दल दर्ता प्रमाणपत्र पाएसँगै औपचारिक रुपमै प्रमुख प्रतिपक्ष दल नेकपा एमाले विभाजित भएको हो । सो पार्टीका ५५ जना केन्द्रीय सदस्य र २९ जना सांसदले आजै निर्वाचन आयोगमा सशरीर उपस्थित भई दलको पक्षमा सनाखत गरेपछि हिजै राती नै आयोगले दर्ता प्रमाणपत्र दिइएको हो ।

लामो रस्साकस्सी पछि अन्तत: प्रमुख प्रतिपक्ष दल नेकपा एमालेका शीर्ष नेताहरुमा बढेको व्यक्तिगत स्वार्थपूर्ति र सत्ता मोहले एमाले औपचारिक रुपमै विभाजन भएको हो । विभाजन हुनुअघि एमालेमा केपी शर्मा ओली समूह र माधव नेपाल समूह पूर्व र पश्चिम जस्तो देखिएका थिए ।

एमालेका शीर्ष नेताहरुमा बढेको चरम शक्तिसंघर्षले एमाले पार्टी अचानो बन्दै बिग्रह र बिनासको बाटोमा लागि सकेको छ । धेरै उतार-चढावका बाबजूद यसबीचमा भएका वार्ता सफल नभएको र कांग्रेस-माओवादी गठबन्धनसँग सहकार्य गर्दै नेपाल समूहले राष्ट्रियसभा उपनिर्वाचनदेखि ओली सरकार ढाल्ने सम्मको खेल खेलेकोले एमाले विभाजन भएको हो ।

गायक दिपक खरेलले गाएको एउटा गीत छ – कहाँ प्रतीक्षा गर मेरी मायालु, समयले मानिसलाई कहाँ कहाँ पुर्याउँछ । समयले नेकपा एमाले अध्यक्ष केपी शर्मा ओली र नेता माधवकुमार नेपाललाई नदीका दुई किनारा जस्तै बनाइदिएको छ ।

यसरी नेपाली काँग्रेस सभापति देउवालाई प्रधानमन्त्री बनाएर पार्टीको सरकार ढाल्न अहम् भूमिका निर्वाह गरेर आफ्नै घरमा आगो लगाएर खरानी बनाएका छन् । संसद बचाउन गठनबन्धनको सरकारलाई साथ दिने कि पार्टी बचाउने भन्ने दोधारमा रहेका नेपालले यसअघि संसद बचाउन भनेर गठनबन्धनलाइ नै रोजे ।

नेपालले नयाँ दल दर्ताको प्रमाणपत्र पाएसंगै ओली र नेपालको लगभग ५ दशकको ‘मायापिरती’ पारपाचुकेमा टुंगिएको छ । लगभग ६ महिना अघि नेपालले आफू पार्टीका अध्यक्ष ओलीसँग आफ्नो ‘मायापिरती’ ४८-४९ वर्ष पुरानो भएको भन्दै सजिलै नछुट्टिने वा नतोडिने बताएका थिए ।

नेकपाका महासचीव भई सकेका पूर्वप्रधानमन्त्री नेपाल र अहिलेका नेकपाका अध्यक्ष समेत रहेका पूर्वप्रधानमन्त्री ओली वीचको माया-पिरती टुंगिएसंगै अनिर्णयको बन्दी भएको पार्टीले नयाँ स्वरुप पाएको छ । यद्यपि नेकपाका नेता-कार्यकर्ताहरु ओली र नेपालको व्यक्तिगत महत्वाकांक्षा र शक्ति संघर्षले पार्टी विभाजन भएकोमा वाक्क-दिक्क भएर उनीहरुमा निराशाको कालो बादल छाएको छ ।

पूर्वप्रधानमन्त्री समेत रहेका नेकपा एमालेका अध्यक्ष ओली आफ्नी पत्नी राधिका शाक्यको जन्मदिनमा छमछमी नाचेका छन् । म त भाग्यमानी कति भाग्यमानी भन्ने गीतमा कम्मर मर्काएर ओली छमछमी नाचेको ३० सेकेण्डको भिडियो क्लिप अहिले सामाजिक सञ्जालमा भाइरल भएको छ ।

ओलीको निजी निवास बालकोटमा ओली पत्नी शाक्यको जन्मदिनमा मेडिकल व्यवसायी दुर्गा प्रसाई समेत देखिएका छन् । साथै शाक्यको जन्मदिन पार्टीका केही नेता कार्यकर्ता र मानव सेवा आश्रमका मानिसहरुसँग मनाइएको थियो ।

माधव नेपाल अध्यक्ष भएको नेकपा (एकीकृत समाजवादी) ले निर्वाचन आयोगले नयाँ दल दर्ताको प्रमाणपत्र हिजो बुधबार राती अबेर पाएसँगै औपचारिक रुपमै प्रमुख प्रतिपक्ष दल नेकपा एमाले विभाजित भएको हो ।

नेपाल पार्टी विभाजन गराएर गएपछि एमालेमा ओलीलाई धक्का लागेपनि ओलीको टाउको दुखाई भने कम भएको छ । अव ओलीलाई हाइसन्चो भएको छ । आउँदो महाधिवेशनसम्म ओली एकछत्र शक्तिशाली अध्यक्ष भएर रहनेछन् ।

यो पनि पढ्नुहोस्

पत्नी राधिका शाक्यको जन्मदिनमा ओली छमछमी नाचेको भिडियो हेर्नुहोस्

औपचारिक रुपमै फुटयो एमाले : ओली र नेपाल नदीका दुई किनारा

अन्तत: दर्ता भयो माधव नेपालको दल नेकपा (एकीकृत समाजवादी) निर्वाचन आयोगमा


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !