२३ असार, काठमाडौं । विश्वकप फुटबलमा शुक्रबार राती सम्पन्न खेलमा ब्राजिललाई २-१ ले पराजित गर्दै बेल्जियम सेमिफाइनलमा प्रवेश गरेको छ ।
विश्वकप क्वाटर फाइनलमा पाँच पटकको विश्वकप विजेता ब्राजिल जारी विश्वकपमा भने क्वार्टरफाइनलबाटै वाहिरिएको छ ।
ब्राजिललाई पराजित गर्दै बेल्जियमले ३२ वर्षपछि सेमिफाइनलको यात्रा तय गरेको छ । बेल्जियमले भने ब्राजिललाई ५५ वर्षपछि पराजित गरेको हो । यसअघि ब्राजिल सन् १९६३ मा भएको मैत्रीपूर्ण खेलमा बेल्जियमसँग पराजित भएको थियो । त्यसयता भएका भेटमा सधैँ ब्राजिलले बाजी मार्दै आएको थियो ।
ब्राजिलका फर्नान्डिनोले आत्माघती गोल गरेर बेल्जियमलाई अग्रता दिलाएका थिए । बेल्जियमले पाएको कर्नर बचाउन खोज्दा फर्नान्डिन्होले बललाई आफ्नै पोष्टमा पुर्याएका थिए । खेलको १३औँ मिनेटमा उनले आत्मघाती गोल गरेका थिए । खेल अवधिमा ब्राजिलले गोल गर्ने राम्रा अवसर सिर्जना गरेपनि तिनलाई बेल्जियमको रक्षापंती र गोल किपरले विफल पारिदिएका थिए ।
फाइनलमा पुग्न अब बेल्जियमले फ्रान्ससँग प्रतिस्पर्धा गर्नेछ ।
