कांग्रेसले अब उपरान्त पार्टीको बैठक प्रधानमन्त्री निवास बालुवाटारमा नराख्ने Nepalpatra कांग्रेसले अब उपरान्त पार्टीको बैठक प्रधानमन्त्री निवास बालुवाटारमा नराख्ने
१२ श्रावण २०७८, मंगलबार

कांग्रेसले अब उपरान्त पार्टीको बैठक प्रधानमन्त्री निवास बालुवाटारमा नराख्ने


नेपाली कांग्रेस बालुवाटार बैठक

काठमाडौँ । प्रमुख सत्तारुढ दल नेपाली कांग्रेसले अब उपरान्त पार्टीका कुनै पनि बैठक प्रधानमन्त्रीको सरकारी निवास बालुवाटारमा नराख्ने भएको छ । कांग्रेस महामन्त्री पूर्णबहादुर खड्काले सामाजिक संजाल ट्वीटरमा लेख्दै पार्टीको बैठक सरकारी निवासमा गर्ने विगतको गलत परम्परा तोड्ने बताएका छन् ।

खड्काले अब पार्टीका औपचारिक बैठक प्रधानमन्त्री निवास बालुवाटारमा नबस्‍ने जानकारी दिएका हुन् । उनले साउन ८ गते शुक्रबार पार्टी पदाधिकारी र पूर्वपदाधिकारी बैठक प्रधानमन्त्री समेत रहेका पार्टी सभापति शेरबहादुर देउवा निवासमा बोलाइएको जानकारी दिए ।

खड्काले लेखेका छन्, ‘बिगतकाे गलत परम्परालाई ताेड्दै अब देखि नेपाली काँग्रेस पार्टीकाे औपचारिक बैठकहरु प्रधानमन्त्रीकाे सरकारि निवास बालुवाटारमा नगरिने सोही निर्णयकाे कार्यान्वयनकाे प्रारम्भ गर्दै भाेलि साउन ८ गतेकाे पार्टी पदाधिकारि र पूर्ब-पदाधिकारिकाे बैठक, बुढानिलकण्ठमा बस्दै ।’

यसअघि कांग्रेसका युवा नेता गगन थापाले प्रधानमन्त्री शेरबहादुर देउवालाई बालुवाटारमा पार्टीको कुनै पनि बैठक नराख्न देउवालाई सुझाव समेत दिएका थिए । पार्टी कार्यालयमा धर्ना भएको कारणले बालुवाटारमा राख्नु परेको काँग्रेसको संस्थापन पक्षले प्रष्ट पर्दै आएको थियो ।

निवर्तमान प्रधानमन्त्री समेत रहेका एमाले अध्यक्ष केपी शर्मा ओलीले प्रधानमन्त्री भएको बेला पार्टीका बैठक बालुवाटारमा राख्ने गरेको परिपाटीलाई निरन्तरता दिंदै प्रधानमन्त्री देउवाले पनि पार्टीको बैठक बालुवाटारमा राख्ने गरेकोले सामाजिक संजाल र संचार माध्ययमा उनको चर्को आलोचना हुँदै आएको थियो ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !