काठमाडौँ । प्रधानमन्त्री केपी शर्मा ओलीले नेपाल र भारतको सीमा विवाद वार्ताबाट समाधान हुने बताएका छन् । भारतीय टेलिभिजन च्यानल ‘जी न्यूज’ का प्रधान-सम्पादक सुधीर चौधरीसँग अन्तर्वार्ता दिंदै प्रधानमन्त्री ओलीले कालापानी, लिपुलेक र लिम्पियाधुरा नेपाली भूमि भएको स्पष्ट पार्दै वार्ताका माध्यमबाट समस्या समाधान गर्नुपर्ने बताएका हुन् ।
यो पनि पढ्नुहोस् : चुनाबपछि आफ्नै पार्टीको सरकार बन्छ : प्रधानमन्त्री ओली
उनले नेपाल भारत र चीनलाई फरक ढंगले व्यवहार गर्ने नभइ पञ्चशीलको सिद्धान्तका आधारमा असंलग्न नीति अंगिकार गरिरहेको बताएका छन् । ओलीले नेपाल कुनै पनि देशको साथमा लागेर अर्को देश विरुद्ध आफ्नो जमिन वा आकाश प्रयोग गर्न नदिने बताएका हुन् ।
नेपालले लिपुलेक, कालापानी र लिम्पियाधुरालाई समेटेर नयाँ नक्सा सार्वजनिक गरेपछि उक्त भारतीय टेलिभिजन च्यानल ‘जी न्युज’ लगायतले विवादित सामग्री प्रकाशित गरेका थिए । जी न्युजले ‘राष्ट्रवाद के नामपर नेपालकी चाइनिज नक्सेबाजी’ भनेर कार्यक्रम प्रसारण गरेको कार्यक्रम सुधीरले नै प्रस्तुत गरेका थिए ।
यो पनि पढ्नुहोस्
