एजेन्सी । भारतको पाकुडमा बुधबार बिहान बस ग्यास सिलिन्डरले भरिएको ट्रकसँग ठोक्किँदा १० जनाको मृत्यु भएको छ । साहिबगञ्जबाट दुमका जाँदै गरेको बसमा ४० भन्दा बढी यात्रामध्ये करिब २५ जना घाइते छन् ।
ट्रक र बस ठोक्किँदा दुबै गाडी ध्वस्त भएका छन् । अन्तर्राष्ट्रिय समाचार अनुसार बसलाई काटेर मानिसलाई बाहिर निकालिँदैछ । अन्तर्राष्ट्रिय समाचार अनुसार दुर्घटनामा मृत्यु हुनेको संख्या बढ्ने आशंका छ ।
हाल मारिएका व्यक्तिहरुको पहिचान हुन सकेको छैन । घाइतेलाई अस्पताल लगिँदै छ ।
