माडागास्कर । पानी जहाज दुर्घटनावाट ८५ जनाको मृत्यु भएको छ । माडागास्करको तटीय क्षेत्रमा दुर्घटना हुँदा बिहीबार २१ शवहरू निकालेपछि मृतकको सङ्ख्या ८५ पुगेको समुद्री अधिकारीहरूले बताइएको हो ।
अन्तर्राष्ट्रिय समाचार अनुसार सामुद्रिक अधिकारीहरूले सोमबार डुबेको १२ फिट लामो डुङ्गा (जहाज) मा १३८ जना सवार रहेको र ५० जनाको मात्रै उद्धार गरिएको बताएका छन् ।
अन्तर्राष्ट्रिय समाचार अनुसार यात्रुहरू बोक्नका लागि अनुमति प्राप्त नभएको उक्त काठको जहाज एन्टसेराका गाउँबाट सोआनिराना(इभोङ्गोको तर्फ लगभग १०० किलोमिटर (६० माइल) दक्षिणतर्फ प्रस्थान गर्दै थियो ।
