, प्रसिद्ध एलोपैथिक डाक्टर यसरी बने होम्योपैथीकका जन्मदाता

प्रसिद्ध एलोपैथिक डाक्टर यसरी बने होम्योपैथीकका जन्मदाता

डा. सैम्युल हेनिमनलाई होम्योपैथीक चिकित्साका जन्मदाता मानिन्छ

डा. राम बहादुर बोहरा

डा. राम बहादुर बोहरा

होम्योपैथीकको जन्म एकजना एलोपैथिकका प्रसिद्ध डाक्टरको हातबाट भएको थियो । उहाँको नाम थियो – डा. सैम्युल हेनिमन । हेनिमनको जन्म १० अप्रिल १७५५ मा भएको थियो । उहाँले २४ बर्षको उमेरमा नै एम.डी.को उपाधि हासिल गर्नुभएको थियो । उहाँले १० बर्षसम्म एलोपैथिक प्रेक्टिस गर्नुभयो ।

यो प्रेक्टिसको क्रममा उहाँलाई एलोपैथिकका थुप्रै त्रुटी रहेको देख्नुभयो । मेटेरिया मेडिकाको जर्मन भाषामा अनुवाद गर्दै हुनु हुन्थ्यो । अध्ययन गर्ने क्रममा सन् १७९० मा मलेरियाको औषधि बनाउने सिनकोनाबारे मलेरिया ठिक हुने कुरा उल्लेख गरेको देखेपछि उहाँले सिनकोनाबारे रिसर्च गर्ने विचार जागेर आयो ।

यदि हामीले स्वास्थ्य अवस्थामा सिनकोना खाए के हुन सक्छ भन्ने कुरा डाक्टरको मनमा उठेकाले त्यो औषधि सिनकोना खादा जाडो भएर मलेरिया जस्तै ज्वरो आएछ । पछि उहाँले यदि जाडो भएर देखिने ज्वरोको लक्षणमा सिनकोना खाएमा ज्वरो निको हुन सक्छ भन्ने कुरा पत्ता लगाउन त्यो औषधि खादा ज्वरो निको भएछ ।

होम्योपैथीकको ज्ञान हुनका लागि मैटीरिया मेडिकाको ज्ञान हुन आवश्यक छ । यदि हामीले सरसरी हेर्ने हो भने यो चिकित्सा पद्धति एलोपैथिक भन्दा धेरै गार्हो छ । स्वास्थ्य व्यक्तिलाई औषधि सेवन गराउदा जुन लक्षण पैदा हुन्छ त्यही औषधि सुक्ष्म मात्रामा दिएमा त्यो बिमारी निको हुन्छ । यसैलाई होम्योपैथीकको मूल-सिद्धान्त भन्दछन् ।

यसरी उहाँले हरेक परिक्षण गर्दै जान थाल्नु भयो । आज वहाँ होम्योपैथीकका जन्मदाताका नामले प्रसीद्ध हुनुहुन्छ ।उहाँको यो कामले गर्दा जर्मनका प्रसिद्ध एलोपैथिक डाक्टरहरू यो चिकित्साप्रति आकर्षित भएका थिए । होम्योपैथीक उपचार पद्धति सुरक्षित छ । यसका साइड इफेक्ट नहुनाले बच्चा बुढा साना ठूला सबैका लागि उपयोगी देखिन्छ ।

नेपालमा होम्योपैथीकको राम्रो प्रचार-प्रसारको अभाव हुनाले होम्योपैथीक पछि परेको छ । मलाई करिब २०० वटा जति हातमा मुसा वार्ट भएकाले थुजा खादा सवै निको भएको थियो र मलाई यो चिकित्साप्रति रूचि जागेको थियो । म अहिले अखिल नेपाल होम्योपैथीक एसोसिएसनको लाइफ मेम्बर रहेको छु । यो पद्धतिको विकास भएमा हानीरहित उपचार पब्लिकले पाउनेछन् भन्ने आशा लिएको छु ।

होम्योपैथीक चिकित्सा पेशामा लाग्नु भएका सम्पुर्ण चिकित्सक साथीहरू (Nepal Alternative Medical Development Council ) केन्द्रीय कार्यालय मध्येविन्दु नगरपालिकामा आएर आफ्नो नाम दर्ता गरेर पब्लिकलाई यो सेवा दिनु हुन हार्दिक अनुरोध गर्दछु । थप जानकारीका लागि हाम्रो www.namdc.org.np मा लग इन गरेर हेर्न सक्नुहुन्छ ।

यो पनि पढनुहोस्

स्वास्थ्य रहन अपनाउनुपर्ने केहि उपायहरु

*डा. राम बहादुर बोहरा नेपाल वैकल्पिक चिकित्सा विकास परिषद नवलपरासीको अध्यक्ष, बरिष्ट आयुर्वेद डाक्टर तथा साइन्स इन्फोटेकका सल्लाहकार हुनुहुन्छ ।

कुमारवर्ती औषधालय