, स्वास्थ्यको लागि हाडे बदाम खानुका फाइदाहरू

स्वास्थ्यको लागि हाडे बदाम खानुका फाइदाहरू

हाडे बदाम खानाले भाइरस, रूघाखोकी समेत बनाउदछ निको

 डा. राम बहादुर बोहरा

डा. राम बहादुर बोहरा

बदाम खानाले शरिरको भाइरस संक्रमण तथा फ्लूसँग लड्न मद्धत गर्छ । बदामको बाहिरी भागमा प्राकृतिक रूपमा नै रोगप्रतिरोधी क्षमताको विकास गर्ने रसायन पाइन्छ । बदामको बाहिरी भागसंगै बदाम खानाले सेतो रक्तकोषिकाको वृद्धि हुन्छ ।

बदामको गुदीमा पेट सफा राख्ने, पिसाब खुलाउने, शरीरलाई पोषण दिने, दुखाइ कम गर्ने, शरीरको भित्री भाग सुन्निएर वा चिलाएर दुखेको भए त्यसलाई निको पार्ने, नसाहरूलाई सक्रिय राख्ने क्षमता रहेको हुन्छ । बदामको तेल मीठो र शीतलता प्रदान गर्ने खालको हुनुको साथै यसमा मांसपेशीहरूलाई बाउँडिनबाट बचाउने क्षमता हुन्छ ।

हाडे बदाम अत्यन्तै पोषिलो हुने भएकाले गर्भवती महिलाहरूका लागि एकदमै उपयुक्त शक्तिको स्रोत मानिन्छ । हामीले के खाने के नखाने भन्नेबारे आवश्यक जानकारी नहुनाले हाम्रो स्वास्थ्यमा पनि ठूलो असर परेको देखिन्छ ।

आज यस्ता अनेकौं पौष्टिकतत्व भएका फलफूलहरू छन् तर हामीले सेवन गर्न र यसका फाइदा के के छन् भन्नेबारे जानकारी नहुनाले फाइदा लिन सकेका छैनौं । आज मैले हाडे बदाम लगायत अन्य पौष्टिक फलफूलबारेमा प्रकाश पार्ने जमर्को गर्दैछु ।

बदाम खानुका फाइदाहरू

१. दैनिक बदाम खानाले शरीरको प्रतिरोधक क्षमतामा वृद्धि गर्छ । यदी बदामको सेवन दैनिक गर्नाले दिनभर शक्ति र उर्जा दिन्छ ।

२. बदाममा प्रसस्त पोषकतत्व पाइन्छ, जसले स्मरणशक्ति बढाउन र मष्तिष्कको विकासको लागि फाइदाजनक हुन्छ । बदाम बढिरहेका बच्चाहरूका लागि निकै लाभदायक हुन्छ । बदाममा म्याग्नेसियम पनि हुन्छ, जसले हृदयघात रोक्न मद्दत गर्छ ।

३. बदाम एलडीएल कोलस्टोरेललाई कम गर्छ । यसमा रहेको मोनोस्याचुरेटेड फ्याट मुटुको बिमारीलाई कम गर्नमा राम्रो भुमिका खेल्दछ । बदाममा रहेको भिटामिन ई पाइने एण्टी-अक्सिडेन्ट गुणका कारण यसको सेवनले एलडिएल कोलेस्टेरोलको स्तर घट्छ र मुटुको रोग हुने खतरा कम हुन्छ ।

४. बदाममा प्रोटिनको मात्रा अधिक हुन्छ । प्रोटिनको आवश्यक पुरा गर्न नित्य बदामको सेवन गर्नाले राम्रो फाइदा हुनेछ ।

५. बदामको नियमित सेवन गर्नाले सेक्स कमजोर हटाउन समेत राम्रो काम गर्दछ । सेक्स पावर बढाउन औषधि होइन बदाम खाउ भन्ने हाम्रो आग्रह छ ।

६. महिलाहरूमा सेक्स चाहना कम हुने भएमा नित्य दुधसंग बदाम दिनाले सेक्स इच्छा जगाउदछ । आजकल अधिकांश महिलाहरूमा यो समस्या देखिन थालेको गुनासाहरू सुनिन थालेको छ ।

यस्ता छन् किशमिशका अन्य फाइदाहरू

१. रगतको कमिमा राम्रो फाइदा गर्दछ । रगतको कमि भएकाहरूले नियमित यस्को सेवन गर्नुपर्छ । किशमिशमा भिटामिन बी र आयरनको राम्रो स्रोत मानीएको छ ।

२. किशमिश फाइबरको राम्रो स्रोत भएकाले खाना पचाउन समेत राम्रो भुमिका खेल्दछ । फाइबरको अर्को महत्वपूर्ण काम भनेको कब्जियत हटाउनु हो ।

३. किशमिशको सेवन दैनिक गर्नाले पेटमा जम्मा भएको फोहर फाल्न समेत राम्रो भुमिका खेल्दछ । सवैभन्दा महत्वपूर्ण कुरा भनेको पेटमा जम्मा भएको बिषलाई यसले हटाउने काम गर्दछ ।

४. किशमिशमा प्रशस्त क्यालशियम पाइने भएकाले गर्भवतीलाई राम्रो फाइदा गर्दछ यसमा क्याल्शियम र आयरन हुनाले गर्भवतीले किशमिश खानुहोस् भन्ने हाम्रो राय छ । शरिरमा आवश्यक भिटामिनका कमिका कारण हुने सम्पूर्ण रोगमा यो उपयोगी छ । शरीरमा क्याल्शियमको आपुर्टि गर्नु परेमा दैनिक किशमिश खानु उत्तम मानिएको छ ।

५. सुन्दा अचम्म लाग्न सक्छ नियमित किशमिश खानेहरूलाई क्यान्सर हुदैन भनेकोछ । किशमिशमा पाइने एक प्रकारको कैटेचिन नामको एंटीऑक्सीडेंट पाइने हुनाले (Free Radicals) लाई समेत बचाउने काम गर्दछ । किशमिशको सेवनले पेटको क्यानसर ट्यूमरलाई समेत रोक्दछ ।

६. किशमिशमा प्रसस्त भिटामिन-बीको समूह (बी1, बी2, बी3, बी4, बी5, बी6, बी7 और बी12) प्रसस्त पाइने भएकाले नियमित किशमिशको सेवन गर्नुस यस्ले आवस्यक क्यालोरी पुरा गर्दछ ।

७. किशमिशको प्रयोग आँखाको लागी राम्रो फाइदा गर्दछ । किशमिशमा पॉलीफेनोलिक फाइटोन्यूट्रिएंट्स नामक तव्त प्रचुर मात्रामा पाइने भएकाले यसबाट प्राप्त एंटीऑक्सीडेंटले आँखाको ज्योति बढाउन राम्रो भुमिका खेल्दछ ।

८. उच्च रक्तचापका रोगीले नियमित किशमिशको सेवन गर्नु राम्रो फाइदाछ । एउटा रिपोर्ट अनुसार किशमिशको सेवनले उच्च रक्तचापलाई बढ्न समेत रोक्ने काम गर्दछ ।

९. किशमिशको नियमित सेवन गर्नाले शरीरलाई चाहिने आवश्यक क्यालोरी पुरा गरी अनेक रोगबाट बचाउन सक्नेछ ।

१०. किशमिशमा एंटीबैक्टीरियल गुण हुने भएकाले ज्वरो आयको बेला किशमिशले राम्रो फाइदा गर्दछ ।

एभोकाडो

१. यो फलले हाम्रो मुटुको धड्कनलाई बलियो बनाउन मद्दत गर्छ भने शरीरका सबै भागमा रक्त प्रवाहमा समेत उल्लेख्य योगदान दिन्छ ।

स्ट्रबेरी

१. क्यालिफोर्निया युनिभर्सिटीका अनुसार यसले पुरुषको वीर्य बढाउने काम पनि गर्छ ।

*डा. राम बहादुर बोहरा नेपाल वैकल्पिक चिकित्सा विकास परिषद नवलपरासीको अध्यक्ष, बरिष्ट आयुर्वेद डाक्टर, साइन्स इन्फोटेक र नेपालपत्रका सल्लाहकार तथा नेपालपत्रको स्वास्थ्य स्तम्भकार हुनुहुन्छ ।