न त भाग नै खोसी म खाऊँ है सबैको !
न त आँशु झारौँ यो जीवनमा कसैको !!
न त आरोप लाऊँ म झुठो नै कसैलाई !
रुवाएर नहाँसौँ कुनै दिन पनि अरुलाई !!
जीवनको महिमा म बुझौँ है त सबैको !
आफु हाँस्नलाई खुशी नखोसौँ कसैको !!
म ठुलो हुँ भन्ने दम्भ, भाव नै नआओस् !
सबैको भलाईमा मेरो यो कर्म जाओस् !!
नदेखौँ म शत्रु मेरो भलाई गर्नेलाई !
सबै मित्र मानौ म जीवनमा असललाई !!
मरी केहो लाने र असल कर्म त हो नि जाने !
पिडा त हो जाने साथै हुनलाई खरानी !!
पिडा दिए पिडा पाउने त हो नि अवश्य !
हाँसो, खुशी दिए जीवन रम्ने हो निश्चय !!
देशका युवालाई म हरपल सम्मान गरौँ !
अग्रजलाई मायाँ अनि मान जतन गरौँ !!
बालिका यो देशका निर्भिक बनि बाँचुन !
सबैको माया जतन पाई यो विश्व हाँकुन !!
मनको काल, अमिलो र मैलो नफाली !
कहाँ बाँच्न सकिने रहेछ खै यसै हाँसी !!
सबै हाँसे पो त हाँस्न पनि कति रमाइलो !
सबै बाँचे पो त बाँच्न पनि हुने रमाइलो !!
यसैले जीवनमा यो असल कर्म म गरौँ !
सबैलाई बाँच्न र हाँस्न दिएर रमाऔँ !!
युद्द र पदको कुनै चाहना पनि नराखौ !
एक जुट बनेर यो देश हामी नै बनाऔँ !!
प्रकृतिले हामीलाई कति ज्ञान दिन्छ !
घाम आफ्नो गतिबाट जीवन रक्षा गर्छ !!
पवन र पानीले प्राणीमा प्राण भरी रहन्छन !
चन्द्रले मायाँको शीतल पाठ नै पढाउँछन् !!
बृक्षलाई हेर त तिमी फलिभूत बनेको !
हरेक मानिस त्यही अन्न खाएर बाँचेको !!
यस्तै पारौँ हामी पनि आफ्नो मनलाई !
सबैलाई खुशीी दिऊँ बनाऊँ राष्ट्रलाई !!
*शोभा काफ्ले खतिवडा लेखक, साहित्यकार, सामाजिक अभियन्ता हुनुहुन्छ ।
यो पनि पढ्नुहोस्
प्रधानमन्त्रीलाई पत्र – बनौ अव नेपालका असल नागरिक
प्रधानमन्त्रीलाई पत्र – युवा पलायन किन हुँदैछन् ?
प्रधानमन्त्रीलाई पत्र – देशका लागि झुक्न सिकौँ
प्रधानमन्त्रीलाई पत्र – देशमा सुनौलो राजनीतिको माग
प्रधानमन्त्रीलाई पत्र – बेलैमा दिऊँ साथ सुझाव
प्रधानमन्त्रीलाई पत्र – लोकतन्त्रका बन्दी हामी नेपाली
प्रधानमन्त्रीलाई अनुरोध पत्र – त्याग र तपले बनोस मेरो देश
प्रधानमन्त्रीलाई पत्र – शान्तिको भूमि
