समृद्धिको शिखरमा यो देशलाई हामी लानलाई सिकौँ !
यदि देश बन्छ भने स्वाभिमान जोगाई झुक्न पनि सिकौँ !!
देशको उन्नति र विकास जसरी पनि अव गर्नु नै पर्छ !
यसकै समृद्धिका खातिर अव झुक्न परे पनि झुक्नु पर्छ !!
सारा जनता, सेना, प्रहरी देश विकासमा साँच्चै जुट्नु पर्छ !
देशलाई नाकाबन्दीको ठुलो त्रासबाट मुक्त छिट्टै गर्नु पर्छ !!
देशका खतिर स्वार्थ त्यागी मनले सबै जना जुट्नै पर्छ !
पौरख गरी सबै नेपालीले देशको अव विकास गर्नै पर्छ !!
पर्यटनको विकास गरी उर्जाको उन्नत खेती गर्न सकेमा !
देशको पिडा सबै हट्थ्यो र हट्थ्यो पिडा नाका बन्दिको !!
जताततै हिरा फल्ने सुनको यो मेरो देश पो हो नि !
खानी भरी जमिन भरी उर्जा फल्ने प्रदेश पनि त हो नि !!
सारा द्वैष र रिस, राग पनि फ्याँकेर अव पौरख ठुलै गरौँ !
आत्मनिर्भरता गहना हो हाम्रो, यो पाठ हामी राम्रोसित पढौँ !!
झुक्नु पर्दछ है जगत भरी पुगि यदि यो देशका खातिर !
मन्दिर देशका चिनारी हुन् झुकोस पुगेर अव सबैको शीर !!
झुक्छन् वृक्षहरु पनि सँधै फलले भारी हुँदामा अति !
मानिस झुक्नु सँधै नै अति असल हो नरोकौँ यो रिति !!
माथी त्यो समतल हरेक खर्कहरुमा चौँरी चर्दछन् !
डाँडा पाखा अनि चौरहरु भरी प्राणीहरु नै सँधैँ रम्द्छन् !!
आफ्नो रुप नदीसित संगै बसेर देखाउँछन जलनीधि !
झुक्छन मेघहरु पनि गगनमा पानी लिएका भएर अति !!
यो मेरो मनमा पनि धर्तीको झैँ भाव केही जाग्दछ !
देशका खातिरमा हे ईश्वर तिमीमा समृद्दि नै हरपल माग्दछ !!
घाम रोपौ उर्जा खोजी र ताराहरु पनि रोपौ उज्यालोका लागि !
मनमा शितल म चन्द्र रोपौ मायाँका सुखद भावहरुले छोपी !!
अखण्ड होस मेरो राष्ट्र अक्षुण हौँ हामी सारा !
यो देशको समृद्धि र विकासको हो जीवनको सही आधार !!
*शोभा काफ्ले खतिवडा लेखक, साहित्यकार, सामाजिक अभियन्ता हुनुहुन्छ ।
यो पनि पढ्नुहोस्
प्रधानमन्त्रीलाई पत्र – देशमा सुनौलो राजनीतिको माग
प्रधानमन्त्रीलाई पत्र – बेलैमा दिऊँ साथ सुझाव
प्रधानमन्त्रीलाई पत्र – लोकतन्त्रका बन्दी हामी नेपाली
प्रधानमन्त्रीलाई अनुरोध पत्र – त्याग र तपले बनोस मेरो देश
प्रधानमन्त्रीलाई पत्र – शान्तिको भूमि
प्रधानमन्त्री ओलीलाई अनुरोध पत्र – हाम्रा आशाहरु
छोरीको प्रश्न बाबालाई – कसरी आउँछ र बाबा ?
कविता – जसो गरी हुन्छ यो भूमि सुन्दर पारौँ
कविता – म हिमाल रोपौ यो छातीमा
कविता – हामी नमिले बन्दैन मुलुक
