, यो देश बनाउने सपथ आज खाऊ

प्रधानमन्त्रीलाई पत्र – यो देश बनाउने सपथ आज खाऊ

साहित्यकार शोभा काफ्ले खतिवडाको प्रधानमन्त्री केपी शर्मा ओलीलाई देशको विकास गर्न दृढ संकल्प गर्न आग्रह गरिएको खुला पत्र कविता

यो देश एउटा खुशीको बिरुवा !
बनाऊ यसलाई सुखको सहारा !!

शिरानमा देशको समृद्दि डाकी !
देशमा विकासको बिरुवा लगाई !!

देशको विकासमा श्रम रोप हरदम !
देश जन्म भूमि हो मन रोप हरक्षण !!

यसलाई कहिले ढाट्नु हुँदैन !
देश रोए हाम्रो जीवन रहन्न !!

परकम्प भुकम्पबाट सिकेर !
क्ष्यण भड्गुर जीवनको सेखी नगर !!

हिउँका चुचुराहरुलाई हेर !
पियूष दिएर हाँसेका छन ठडिएर !!

निर्जिव हो तर जीवन त्यो बाँढ्छ !
हामी सजीव हौँ तर देशलाई ढाँट्छौ !!

घामको गतिबाट ज्ञान, बुद्दि लिदै !
चन्द्रको शान्तिबाट बिवेक धेरै सिक्दै !!

वाचा र बन्धनको ऋणबाट मुक्त !
हुनु छ हामीले जनऋण मुक्त !!

सत्ताको मोह जतिलाई त्याग !
यसलाई नत्यागे देशलाई त्याग !!

देश यो धरापमा परेको जनाऊ !
समयले दिएको घन्टी समाऊ !!

महाँकाली मेची र हिमाल तराई !
जोडेर शक्तिशाली बनाऊ प्यारो देशलाई !!

सम्मान जनताको मनबाट पाउने !
कर्म यही हो यो माटो रमाउने !!

हिजो देश र जनतालाई गरेको बाचा !
पूरा गरेर बाँच सम्मानका साथ !!

मृत्यु पनि हाँसोस काल पनि रमाओस् !
हरेक मानिस यो देशको नेता हुन चाहोस् !!

सबैलाई एउटा यस्तो संदेश देऊ !
यो भूमि सुन्दर बनाउने वचन देऊ !!

सपथ पहिलो बाँढ्ने मानिस बन्नु !
देशलाई ढाँट्ने महाँ पापी हुन्छ भन्नु !!

नायक यो देशको बनि मृत्यु डाक !
अमरत्व असल तिम्रा कर्मले ढाक !!

यो देश बनाउने सपथ खाऊ तिमी !
सारा नेपालीलाई हाँसो देऊ अनि !!

*शोभा काफ्ले खतिवडा लेखक, साहित्यकार, सामाजिक अभियन्ता हुनुहुन्छ । 

यो पनि पढ्नुहोस् 

कविता – जसो गरी हुन्छ यो भूमि सुन्दर पारौँ

कविता – म हिमाल रोपौ यो छातीमा

कविता – हामी नमिले बन्दैन मुलुक

कविता – माघको पूर्णिमा

कर्मले लिपौँ देशको भित्तो

भ्रष्टाचार नै उन्मुलन गरौँ मुलुकमा

मनका भावले बुझ यो देश

विकासको प्रत्याभूति होस्