हिजो आज मेरो माया बिरानो पो भयो कि त ?
मिठास थियो प्रेमालापमा त्यो नि तितो भयो कि त ?
अत्तर झैं सुगन्धको मदहोसी हेराई पनि,
कता कता तर्कि हेर्ने छड्के नजर भयो कि त ?
मिठा पल नि भारी वर्षा झरीले पो रुझ्यो कि त ?
बाचा, कसम बाढी, पहिरो, भेलमा पो फस्यो कि त ?
मायालाई छुट्टयाएको अनमोल कालखण्ड,
धमिराले गुण लाउने धनको थुप्रो भयो कि त ?
साटफेर हुन्थ्यो मनका भाव बितृष्णाले रुक्यो कि त ?
प्रेमको दियो धिपधिप भयो बर्तन कतै घट्यो कि त ?
जीवन यात्रा अटल बिश्वास संगै हिंडने साथहरु,
हिंडदा हिंडदै दोबाटोमा कता जाउं भै भुल्यो कि त ?
*धातामणि पोखरेल साहित्यकार हुनुहुन्छ ।
