मनोज प्रभाकरले बाजी मारे नेपाली क्रिकेटको मुख्य प्रशिक्षक पद Nepalpatra मनोज प्रभाकरले बाजी मारे नेपाली क्रिकेटको मुख्य प्रशिक्षक पद
२१ आश्विन २०७९, शुक्रबार

मनोज प्रभाकरले बाजी मारे नेपाली क्रिकेटको मुख्य प्रशिक्षक पद


मनोज प्रभाकर

काठमाडौं । भारतका पूर्व क्रिकेटर मनोज प्रभाकरले नेपाली क्रिकेटको मुख्य प्रशिक्षक पद बाजी मारेका छन् । नेपाल क्रिकेट संघ (क्यान)ले नेपाली राष्ट्रिय क्रिकेट टोलीको मुख्य प्रशिक्षकमा मनोज प्रभाकरलाई नियुक्त गरेको हो ।

भारतका पूर्व अलराउन्डर तथा रणजी ट्रफी विजेता प्रशिक्षक प्रभाकरलाई क्यानले आज सोमबार नेपाली राष्ट्रिय क्रिकेट टोलीको मुख्य प्रशिक्षकमा नियुक्त गरेको हो ।

क्यानका अनुसार प्रभाकरले भारतका लागि ३९ टेस्ट र १३० एकदिवसीय अन्तर्राष्ट्रिय क्रिकेट खेलेका छन् । उनी अफगानिस्तानको राष्ट्रिय टोलीको प्रशिक्षकसँगै दिल्ली, राजस्थान र उत्तर प्रदेशको क्रिकेट संघको प्रशिक्षकसमेत भइसकेका छन् । यस्तै उनीसँग अफगानिस्तान क्रिकेट टोलीको प्रशिक्षकको रूपमा काम गरेको अनुभव रहेको छ ।

मुख्य प्रशिक्षक नियुक्त भएपछि प्रभाकरले नेपाली क्रिकेट टोलीसँग काम गर्न आफू उत्साहित रहेको बताएका छन् । उनले नेपालमा क्रिकेटप्रतिको चासो, उनीहरूको प्रतिभा र सीपको स्तरलाई हेरेर आफू नेपाली क्रिकेटलाई बलियो बनाउन उत्सुक रहेको बताए ।

दोस्रोपटक कार्यभार सम्हाल्न आएका प्रशिक्षक पुबुदु दासानायकेले राजीनामा दिएपछि नेपाली क्रिकेट टिम प्रशिक्षकविहीन बनेको थियो । प्रशिक्षक दासानायकेले नेपाल छाडेपछि ‘राष्ट्रिय क्रिकेट टोलीमा गुट, उपगुट र विवाद भएको’ बताएका थिए ।

यो पनि पढ्नुहोस्

पुबुदु दासानायके क्यानाडाको क्रिकेट टोलीको प्रमुख प्रशिक्षकमा नियुक्त

पुबुदु दासानायकेले क्रिकेट प्रशिक्षकबाट दिए राजीनामा


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !