काठमाडौं । राष्ट्रियसभाको बैठक आज बस्दै छ । नयाँ वानेश्वरस्थित संघीय संसद भवनमा राष्ट्रियसभाको बैठक आज दिउँसो १ बजेर ९ मिनेट जाँदा बस्ने भएको हो ।
संसद् सचिवालयका अनुसार आजको बैठकमा अध्यक्ष तथा उपाध्यक्षको अनुपस्थितिमा बैठकको अध्यक्षता गर्ने सदस्यहरूको नाम मनोनयन गर्ने पहिलो सम्भावित कार्यसूची रहेको छ ।
यस्तै आजको बैठकमा राष्ट्रियसभा अध्यक्ष पदको निर्वाचनको लागि दिन तोक्ने दोस्रो सम्भावित कार्यसूची रहेको संसद्का महासचिव पद्मप्रसाद पाण्डेयले जानकारी दिए ।
त्यस्तै आजको बैठकमा विषयगत समितिमा रहने सदस्यहरूको नाम हेरफेर तथा मनोनयनका लागि प्रस्ताव गर्ने तेस्रो सम्भावित कार्यसूची रहेको संसद् सचिवालयले जनाएको छ ।
