काठमाडौं । सर्वोच्च अदालतको फुलकोर्टले महाभियोग सिफारिस समितिमा बयान दिन नजाने निर्णय गरेको छ । सर्वोच्च फुलकोटले महाभियोग सिफारिस समितिमा उपस्थित भएर बहालवाला न्यायाधीशले जवाफ दिन नमिल्ने स्पष्ट पारेको हो ।
निलम्बित प्रधानन्यायाधीश चोलेन्द्र शमशेर जबराले बयानका क्रममा मुछेका सर्वोच्च अदालततका बहालवाला न्यायाधीशहरू महाभियोग सिफारिस समितिमा नजाने भएका हुन् ।
सर्वोच्चमा आज बुधबार बसेको फुलकोर्टको बैठकले महाभियोग समितिले बोलाएपनि बयानका लागि न्यायाधीशहरु नजाने निर्णय गरेका हुन् । सिंहदरबारस्थित आज बसेको समितिको बैठकले निलम्बित प्रधानन्यायाधीश जबराले वयानका क्रममा नाम लिएका बहालवाला न्यायाधीशलाई पनि बोलाउने निर्णय गरेको थियो ।
समितिको अर्को वैठक भोलि बिहीबार बिहान ८ः३० मा बस्ने छ । निलम्बित प्रधानन्यायाधीश जबरासँग महाभियोग सिफारिस समितिले पहिलो चरणको बयान लिने काम मङ्गलबार सकिएको छ । समितिले यही भदौ ८ गते वयान लिने निर्णय गरी भदौ १६ गतेदेखि वयान लिन सुरु गरेको थियो भने हिजो पाचौँ दिन पहिलो चरणको वयान सकिएको थियो ।
समितिले निलम्बनमा सकेपनि प्रधानन्यायाधीशलाई प्रश्नहरू सोध्ने र जबराले प्रश्नको जवाफ दिने पहिलो चरणको क्रम सकिए पनि पूरक प्रश्न सोध्ने र वयानका क्रममा आएका व्यक्तिहरूसँग पुनः सवाल जवाफ गर्ने समितिको तयारी गरेको हो ।
यो पनि पढ्नुहोस्
चोलेन्द्र प्रकरणमा अनुसन्धानका लागि बहालवाला न्यायाधीशलाई बोलाइने
