तीन नवनियुक्त प्रदेश प्रमुखले लिए राष्ट्रपतिवाट सपथ Nepalpatra तीन नवनियुक्त प्रदेश प्रमुखले लिए राष्ट्रपतिवाट सपथ
१८ मंसिर २०७८, शनिबार

तीन नवनियुक्त प्रदेश प्रमुखले लिए राष्ट्रपतिवाट सपथ


तीन नवनियुक्त प्रदेश प्रमुखले लिए राष्ट्रपति भण्डारीवाट सपथ

काठमाडौं । तीन नवनियुक्त प्रदेश प्रमुखले राष्ट्रपति विद्यादेवी भण्डारीवाट सपथ लिएका छन् । राष्ट्रपति भण्डारीले प्रदेश १, कर्णाली प्रदेश र सुदूरपश्चिम प्रदेशका नवनियुक्त प्रदेश प्रमुखहरुलाई नेपालको संविधान धारा १६७ बमोजिम पद तथा गोपनीयताको सपथ खुवाएकी छन् ।

प्रदेश १ का परशुराम खापुङ, कर्णालीका तिलक परियार र सुदूरपश्चिमका प्रदेश प्रमुख देवराज जोशीले आज बिहीबार राष्ट्रपति भण्डारीसमक्ष सपथ लिएका हुन् । परियार नेकपा माओवादी केन्द्र, जोशी नेपाली कांग्रेस र खापुङ जनता समाजवादी पार्टीको कोटाबाट प्रदेश प्रमुखमा सिफारिस भएका थिए ।

राष्ट्रपति कार्यालयद्वारा मंगलबार साँझ जारी गरिएको प्रेस विज्ञप्तिमा संविधानको धारा १६५ को उपधारा (१) को खण्ड (ख) बमोजिम प्रदेश १ का प्रमुख सोमनाथ अधिकारी ‘प्यासी’, कर्णालीका प्रमुख, गोविन्द प्रसाद कलौनी र सुदूरपश्चिमका प्रमुख गंगाप्रसाद यादवलाई पदमुक्त गरेको उल्लेख गरिएको थियो ।

यस्तै राष्ट्रपति भण्डारीले ३ जना प्रदेश प्रमुखलाई पदमुक्त गरेसँगै सरकारकै सिफारिसमा नयाँ ३ जना प्रदेश प्रमुख पनि नियुक्ति गरेकी छिन् । नेपालको संविधानको धारा १६३ को उपधारा (२) बमोजिम प्रदेश १ मा परशुराम खापुङ, कर्णालीमा तिलक परियार र सुदूरपश्चिममा देवराज जोशी नियुक्त गरिएको विज्ञप्तिमा उल्लेख गरिएको थियो ।

देउवा सरकारले परियार नेकपा माओवादी केन्द्रको कोटावाट, जोशी नेपाली कांग्रेसको कोटावाट र खापुङ जनता समाजवादी पार्टीको कोटावाट प्रदेश प्रमुखमा सिफारिस भएका थिए ।

तीन नवनियुक्त प्रदेश प्रमुखले लिए राष्ट्रपति भण्डारीवाट सपथ


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !