काठमाडौँ । नेकपाको प्रचण्ड-माधव नेपाल पक्षको केन्द्रीय समिति बैठकले आन्दोलनको कार्यक्रम घोषणा गरेको छ । बिहीबार बसेको बैठकले प्रधानमन्त्री ओलीको कदमविरुद्ध आन्दोलनको कार्यक्रम घोषणा गरेको हो ।
प्रचण्ड–नेपाल पक्षका सबै केन्द्रीय कमिटी सदस्य पुस १० गते बिहान १० बजे माइतीघरमण्डलामा उपस्थित हुने र प्रदर्शन गर्ने तय भएको छ । त्यसपछि सोही टोली निर्वाचन आयोगमा जाने तय भएको स्रोतले बतायो ।
११ गते सातै प्रदेशका कमिटीको बैठक आयोजना गर्ने, १२ गते ७७ जिल्लामा जिल्लास्तरीय भेला आयोजना गर्ने, पुस १४ गते राजधानी र सबै जिल्लामा विरोध प्रदर्शन आयोजना, राजधानीमा थप सशक्त प्रदर्शन, पुस २० गते सम्म सबै नगर, गाउँ पालिकामा पार्टीको बैठक र भेला हुने छ भने २५ गतेसम्म सबै वडास्तरमा पार्टीका बैठक र भेला आयोजना गर्ने भएको छ ।
