१८ पुस, काठमाण्डौ । नेकपा एमाले निकट अखिल नेपाल स्वतन्त्र विद्यार्थी यूनियन (अनेरास्ववियू) ले पेट्रोलियम पदार्थको मूल्य बृद्धि र निर्वाचन आयोगका पछिल्ला गतिविधिको विरोध गर्दै मंगलबार निकालेको ‘मुर्दा जुलुश’ मा झडप भएको छ।
त्रिचन्द्र कलेजबाट सुरुवात भएको जुलुशमा प्रहरीले हस्तक्षेप गरेपछि विद्यार्थी र प्रहरीबीच झडप भएको हो। जुलुशलाई तितरवितर पार्न टियर ग्याँस समेत प्रहार गरेको थियो। प्रहरीले दुई सेल अश्रुग्याँस प्रहार गर्दा अखिलका केही विद्यार्थी घाइते भएका छन्।
