काठमाडौँ । सर्वोच्च अदालत परिसरमा कानुन व्यवसायीहरुले प्रधानन्यायाधीश जबराको राजीनामा माग्दै ‘भ्रष्ट प्रधानन्यायाधीश राजीनामा देऊ’ भन्दै नारा बाजी लगाएका छन् । साथै उनीहरुले ‘चोलेन्द्रका मतियार होसियार’ भन्दै नारा पनि लगाएका छन् ।
प्रधानन्यायाधीश चोलेन्द्रशमशेर जबराको राजीनामा माग्दै आएका कानुन व्यवसायीमाथि प्रहरीले ठाडो हस्तक्षेप गरेपछि सर्वोच्च अदालत परिसर तनावग्रस्त भएको छ ।
नेपाल बार एशोसियसनले गरेको आन्दोलनमा प्रहरीले हस्तक्षेप गर्दै बारका पदाधिकारीको माइक खोसेपछि प्रहरी र कानुन व्यवसायीबीच धकेलाधकेल समेत भएको छ । दुई पक्षवीच भएको धकेलाधकेलमा बारका महासचिव लीलामणि पौडेल सामान्य घाइते भएका छन् ।
प्रहरीले हस्तक्षेप गर्दै बल प्रयोग गरेपछि अहिले सर्वोच्च अदालत परिसरभित्र हुलदंगा मच्चिएको छ । सर्वोच्च परिसरमा कानुन व्यवसायीहरुको प्रदर्शन रोक्न नेपाल प्रहरीको ब्याक सपोर्टमा सशस्त्र प्रहरी पनि खटाइएको छ ।
यो पनि पढ्नुहोस्
सर्वोच्च परिसरमा झडप : नेपाल प्रहरीको सपोर्टमा सशस्त्र प्रहरी पनि खटाइयो
सर्वोच्च परिसर तनावग्रस्त : कानुन व्यवसायीमाथि प्रहरीको ठाडो हस्तक्षेप
प्रधानन्यायाधीश जबराले आज पनि तोके आफुसहित ९ इजलास
प्रधानन्यायाधीशले अरु मुद्दाभन्दा बन्दी प्रत्यक्षीकरणलाई पछाडि राखेर पेशी तोकेपछि…
