काठमाडौँ । नेपालमा पछिल्लो २४ घण्टामा १५४९ जनामा पिसिआर परिक्षण गर्दा ९० जना र ११७५ जनामा एन्टीजेन परिक्षण गर्दा २३ जना गरी जम्मा २७२४* नमुनाको परीक्षण गर्दा ११३* जनामा कोरोना भाइरस (कोभिड-१९) संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।
हिजो भन्दा आज देशभर कोरोना संक्रमण पनि बढेको छ । हिजो देशभर ९० जनामा कोरोना संक्रमण पुष्टि भएको थियो ।
स्वास्थ्य मन्त्रालयका अनुसार पछिल्लो २४ घण्टामा २० जनाले कोरोना जितेसंगै नेपालमा कोरोना जित्नेको संख्या ९ लाख ६७ हजार ५७५ जना पुगेको छ । नेपालमा कोरोना निको हुने दर ९८.७ प्रतिशत रहेको मन्त्रालयले जनाएको छ ।
कोरोना संक्रमणवाट पछिल्लो २४ घण्टामा कोरोना संक्रमणवाट कसैको मृत्यु भएको छैन । हालसम्म कोरोना संक्रमणवाट ११९५२ जनाको मृत्यु भईसकेको छ । नेपालमा कोरोना संक्रमणबाट मृत्यु हुने दर १.२ प्रतिशत रहेको मन्त्रालयले जनाएको छ ।
हालसम्म नेपालमा ५७ लाख ६७ हजार २६८ पिसिआर परीक्षण भएको छ भने १२ लाख ३५ हजार ५९० एन्टीजेन परीक्षण गरिएको छ भने क्वारेन्टाइनमा कोही पनि बसेका छैनन् । हाल देशभर ४७१ जना सक्रिय कोरोना संक्रमित रहेका छन् ।
आजसम्म २ करोड १ लाख ६ हजार ८२६ जनाले कोरोनाबिरुद्ध पहिलो मात्र खोप लगाइसकेका छन् भने २ करोड ३ लाख ८५ हजार ९५२ जनाले पूर्ण मात्रा खोप लगाउनुका साथै ६६ लाख ८६८ जनाले अतिरिक्त मात्र खोप लगाइसकेकाले जम्मा ४ करोड ७० लाख ९३ हजार ६४६ मात्रा कोरोना खोप लगाई सकिएको छ ।
*एसएमएस र इमेलबाट प्राप्त आरडीटी एन्टीजेनको विवरण समावेश गरिएको छ ।
