सुर्खेत, असोज १ । कर्णाली प्रदेशमा आज दिउसो १०४ जनामा कोरोना भाइरस (कोभिड-१९) को संक्रमण पुष्टि भएको छ । योसंगै कर्णाली प्रदेशमा कोरोना संक्रमितको संख्या ३०२८ जना पुगेको छ । कर्णाली प्रदेश सामाजिक विकास मन्त्रालयको स्वास्थ्य महाशाखाका प्रमुखले आज दिउसो एक प्रेस बिज्ञप्ति जारी गर्दै सो कुराको जानकारी दिएका हुन् ।
प्रदेश अस्पताल, सुर्खेत र पशुपन्छी रोग अन्वेषण प्रयोगशाला सुर्खेतमा गरिएको परीक्षणमा १०५ जनामा कोरोना संक्रमण पुष्टि भएको हो । आज कोरोना संक्रमण पुष्टि हुनेहरुमा सुर्खेतका ६४ जना, दैलेखका ९ जना, जाजरकोटका ६ जना र कालीकोटका ४ जना, डोल्पा, कैलाली र बाँकेका ३/३ जना, बर्दिया, कञ्चनपुर र अछामका २/२ जना, सल्यान, हुम्ला, जुम्ला, रुकुम पश्चिम, पाल्पा, रोल्पा र सर्लाहीका १/१ जना रहेका छन् ।
नयाँ कोरोना संक्रमितमध्ये सुर्खेतमा मात्रै थप ६४ जनामा संक्रमण पुष्टि भएको छ भने सुर्खेतका ४५ जना वीरेन्द्नगर नगरपालिकाका हुन् । साथै दैलेख अस्पताल दैलेखमा गरिएको परीक्षणमा दैलेखका ९ जनामा कोरोना संक्रमण पुष्टि भएको हो ।
पछिल्लो २४ घण्टामा कर्णाली प्रदेशमा कोभिड-१९ संक्रमणवाट निको भई २८ जना डिस्चार्ज भएका छन् । हालसम्म डिस्चार्ज हुनेको संख्या २६३३ पुगेको छ भने ६ जनाको कोरोना संक्रमणवाट मृत्यु भएको स्वास्थ्य सेवा महाशाखाले जनाएको छ । कर्णाली प्रदेशमा हाल ३८९ जना सक्रिय संक्रमित आइसोलेसनमा रहेका छन् ।
यो पनि पढ्नुहोस्
कर्णाली प्रदेशमा थप ५१ जनामा कोरोना पुष्टि, संक्रमितको संख्या २९१४ पुग्यो
