, आज १९ जना घर फर्किए, नेपालमा अहिलेसम्म २०६ जनाले जिते कोरोना

नेपालमा २०६ जनाले जिते कोरोना, आज १९ जना घर फर्किए

आज १९ जना घर फर्किए, नेपालमा अहिलेसम्म २०६ जनाले जिते कोरोना

१६ जेठ, काठमाडौँ । नेपालमा आज १९ जनाले कोरोना भाइरस (कोभिड-१९) जितेसंगै नेपालमा कोरोना भाइरस जित्नेको संख्या २०६ पुगेको छ । स्वास्थ्य तथा जनसङ्ख्या मन्त्रालयको नियमित पत्रकार सम्मेलनमा प्रवक्ता डा. विकास देवकोटाले सो कुराको जानकारी गराएका छन् ।

मन्त्रालयका प्रवक्ता डा. देवकोटाका अनुसार काठमाडौंको टेकु अस्पतालबाट २ जना, पाटन अस्पतालबाट ७ जना, बलम्बुको अस्पतालबाट २ जना र दाङको कोरोना विशेष अस्पतालबाट ८ जना शुक्रबार डिस्चार्ज भएका हुन् । योसँगै कोरोना जित्नेको संख्या २०६ पुगेको छ ।

नेपालमा आज दिउसो कोरोना भाइरस (कोभिड-१९) संक्रमण नयाँ १७० जनामा पुष्टि भएसँगै नेपालमा कोरोना संक्रमितको संख्या १२१२ पुगेको छ । मन्त्रालयका अनुसार नेपालमा ५२ जिल्लामा कोरोना संक्रमण फैलिसकेको छ । नेपालमा अहिलेसम्म कोरोना भाइरसलाई २०६ जनाले जितेर घर फर्किएका छन् । पछिल्लो २४ घण्टामा १९ जना डिस्चार्ज भएका हुन् ।

नेपालमा सिन्धुपाल्चोकमा १ जना, बाँकेमा १ जना, गुल्मीमा १ जना, बारामा १ जना र ललितपुरमा १ जना र अर्घाखाँचीका १ जना गरी ६ जनाको कोरोना संक्रमणबाट मृत्यु भईसकेको छ ।

यो पनि पढ्नुहोस्

कोरोना भाइरसवाट नेपालमा छैटौ व्यक्तिको मृत्यु पुष्टि

नेपालमा संक्रमितको संख्या १२१२ पुग्यो, आज थपिए कोरोनाका नयाँ १७० संक्रमित