, आज बिहान थपिए कोरोनाका नयाँ ३२ संक्रमित, नेपालमा संक्रमितको संख्या पुग्यो ५४८

नेपालमा संक्रमितको संख्या ५४८ पुग्यो, आज बिहान थपिए कोरोनाका नयाँ ३२ संक्रमित

आज बिहान थपिए कोरोनाका नयाँ ३२ संक्रमित, नेपालमा संक्रमितको संख्या पुग्यो ५४८

१० जेठ, काठमाडौं । नेपालमा आज शनिवार बिहान कोरोना भाइरस (कोभिड-१९) संक्रमण नयाँ ३२ जनामा पुष्टि भएको छ । योसँगै नेपालमा कोरोना संक्रमितको संख्या ५४८ पुगेको छ । स्वास्थ्य तथा जनसंख्या मन्त्रालयका सह-प्रवक्ता डा. समीर कुमार अधिकारीले एक प्रेस विज्ञप्ति जारी गर्दै सो कुराको जानकारी दिएका हुन् ।

सह-प्रवक्ता डा. अधिकारीका अनुसार राष्ट्रिय जनस्वास्थ्य प्रयोगशाला काठमाडौ, प्रादेशिक जनस्वास्थ्य प्रयोगशाला, भैरहवा र भरतपुर अस्पताल कोभिड-१९ प्रयोगशाला, भरतपुरमा गरिएको परीक्षणमा थप नयाँ ३२ जनामा कोरोना पुष्टि भएको हो । जस अनुसार कपिलवस्तु, सर्लाही, बारा, काठमाडौं, रुपन्देही, चितवन जिल्लामा कोरोना संक्रमण पुष्टि भएको हो ।

आज बिहान शनिवार थपिएकाहरुमा कपिलवस्तु जिल्लाको वाणगंगा नगरपालिकाका १७, १९, २२, २९, ३५, ४०, र ४२ वर्षीय पुरुषहरु तथा २७ वर्षीया महिला गरी ८ जनामा संक्रमण पुष्टि भएको हो । त्यस्तै सर्लाही जिल्लाको गोडैता र कविलासी नगरपालिकाका १८ वर्षदेखि ३५ वर्ष उमेर समूहका १३ जना पुरुषहरुमा पनि कोरोना संक्रमण देखिएको छ ।

साथै बारा जिल्लाको करैयामाई गाउँपालिकाका ३७ वर्षीय महिला, काठमाडौंका ३५ वर्षीय पुरुष, रुपन्देहीको गैडहवा र रोहिणी गाउँपालिकाका २० देखि ५५ वर्ष उमेर समूहका ८ जना पुरुषहरुमा तथा चितवनको भरतपुर महानगरपालिका-६ का ५२ वर्षीय पुरुषमा पनि संक्रमण देखिएको छ ।

यसअघि नेपालमा कोरोना संक्रमितको संख्या ५१६ थियो भने आज फेरि बिहान ३२ जना नयाँ कोरोना भेटिएसंगै नेपालमा कोरोना संक्रमितको संख्या ५४८ पुगेको छ । नेपालमा कोरोनालाई जितेर अस्पतालवाट डिस्चार्ज भई घर फर्किनेको संख्या ७० पुगेको छ । नेपालमा अहिलेसम्म सिन्धुपाल्चोकमा १ जना र बाँकेमा १ जना र गुल्मीको १ जना गरी ३ जनाको मृत्यु भएको छ ।

यो पनि पढ्नुहोस्

नेपालमा संक्रमितको संख्या ५१६ पुग्यो, आज राती थपिए कोरोनाका नयाँ ९ संक्रमित

नेपालमा ७० जनाले जिते कोरोना, आज एकै पटक २१ जना घर फर्किए