, आज एकै पटक २१ जना डिस्चार्ज, कोरोना जित्‍नेको संख्या ७० पुग्यो

नेपालमा ७० जनाले जिते कोरोना, आज एकै पटक २१ जना घर फर्किए

आज एकै पटक २१ जना डिस्चार्ज, कोरोना जित्‍नेको संख्या ७० पुग्यो

काठमाडौँ, जेठ ९ । नेपालमा आज २१ जना कोरोना भाइरस (कोभिड-१९) को उपचारपछि निको भएर डिस्चार्ज भई घर फर्किएसंगै नेपालमा कोरोना भाइरस जित्नेको संख्या ७० पुगेको छ । स्वास्थ्य तथा जनसङ्ख्या मन्त्रालयलको नियमित पत्रकार सम्मेलनमा प्रवक्ता डा. विकास देवकोटाले सो कुराको जानकारी गराएका छन् ।

नेपालगञ्ज उपमहानगरपालिका वडा नं ७ का पहिलो सङ्क्रमित ६० वर्षीय पुरुष १ जना र नेपालगञ्ज-८ जोलाहनपुरका २० जना गरी २१ जना कोरोना भाइरसबाट निको भएका हुन् । जसमध्ये १२ जना पुरुषहरु र ९ जना महिलाहरु रहेका छन् । उनीहरु १ वर्षदेखि ६० वर्ष उमेरका छन् भने १७ देखि २० दिन अस्पताल बसाईपछि निको भएर घर फर्किएका हुन् ।

खजुरास्थित सुशील कोइराला प्रखर क्यान्सर अस्पतालमा प्रदेश सरकारले स्थापना गरेको कोरोना विशेष आइसोलेशन अस्पतालमा उपचार गराईरहेका उनीहरुमध्ये पहिलो सङ्क्रमितको तेस्रो पटकको परीक्षणमा मात्रै नेगेटिभ रिपोर्ट आएको हो । जस अनुसार पहिलो सङ्क्रमितको यसअघि गरिएको दोस्रो पटकको परीक्षणमा पनि रिपोर्ट पोजेटिभ देखिएको थियो । अन्य २० जनाको भने दोस्रो पटकको रिपोर्ट नेगेटिभ आएको थियो । कोरोना पराजित गरेका २१ जनालाई आज नै स्वास्थ्य परामर्शपछि घर फर्किएका छन् ।

नेपालमा कोरोना संक्रमितको संख्या ५०७ पुगेको छ । जसमध्ये ४३३ जना पुरुषहरु र ७४ जना महिलाहरु रहेका छन् । आज एकैपटक २१ जनाले कोरोनालाई जितेर अस्पतालवाट डिस्चार्ज भई घर फर्किनेको संख्या ७० पुगेको छ । नेपालमा अहिलेसम्म सिन्धुपाल्चोकमा १ जना र बाँकेमा १ जना र गुल्मीको १ जना गरी ३ जनाको मृत्यु भएको छ ।

यो पनि पढ्नुहोस्

नेपालमा संक्रमितको संख्या ५०७ पुग्यो, आज दिउसो थपिए कोरोनाका नयाँ २० संक्रमित

एकै पटक २१ जनाले पराजित गरे कोरोना भाइरसलाई

नेपालमा ४९ जनाले जिते कोरोना, आज ४ जना घर फर्किए