काठमाडौँ । नेपाल क्रिकेट संघ (क्यान) ले नेपाली क्रिकेट टिमका पूर्वकप्तान सन्दीप लामिछानेलाई राष्ट्रिय टोलीको बन्द प्रशिक्षणमा समावेश गरेको छ । क्यानको खेलाडी छनोट समितिले लामिछानेलाई बन्द प्रशिक्षणमा बोलाएको हो ।
क्यानले मंगलबार लामिछानेको निलम्बन फुकुवा गरेसँगै पुनः राष्ट्रिय टीममा परेका हुन् । लामिछानेको राष्ट्रिय टिममा आवश्यक परेको हुनाले उनलाई बन्द प्रशिक्षणमा बोलाइएको हो ।
यसअघि क्यानले आईसीसी विश्वकप क्रिकेट लिग-२ को त्रिदेशीय सिरिजका लागि २८ खेलाडीलाई बन्द प्रशिक्षणमा बोलाएको थियो ।लामिछानेलाई क्यानले गत भदौ २३ गते निलम्वन गर्ने निर्णय गरेको थियो । क्यानको कार्यसम्पादन समितिको बैठकले लामिछानेलाई राष्ट्रिय टिमबाट निलम्बन गर्ने निर्णय गरेको थियो ।
यद्यपि लामिछानेलाई थुनामा राख्न माग गर्दै मंगलबार सर्वोच्च अदालतमा निवेदन दायर भएको थियो । लामिछानेलाई धरौटीमा छाड्ने उच्च अदालतको आदेशविरुद्ध महान्यायाधिवक्ता कार्यालय सर्वोच्च अदालत गएको थियो ।
यो पनि पढ्नुहोस्
नेपाल क्रिकेट संघद्वारा सन्दीप लामिछानेमाथिको निलम्बन फुकुवा
सन्दीप लामिछानेलाई थुनामा राख्न माग गर्दै सर्वोच्चमा निवेदन
क्यानले बोलायो २८ खेलाडीलाई बन्द प्रशिक्षणमा, सन्दीप परेनन् टिममा
