फाइल फोटो 
काठमाडौं । राष्ट्रपति रामचन्द्र पौडेललाई थप उपचारका लागि भारत लैजाने तयारी गरिएको छ । छातीमा समस्या आएपछि राष्ट्रपति पौडेललाई हिजो महाराजगन्जस्थित शिक्षण अस्पतालमा भर्ना गरिएको थियो ।
राष्ट्रपति पौडेलको पेटमा इन्फेक्सन देखिएकोले थप उपचारका लागि आज बुधबार एयर एम्बुलेन्समार्फत भारत लैजाने तयारी गरिएको अस्पताल स्रोतले जनाएको छ ।
राष्ट्रपति कार्यालय स्रोतका अनुसार पौडेललाई भारतको नयाँ दिल्लीस्थित एम्स अस्पतालमा लैजाने तयारी गरिएको हो । उनको उपचारमा सरकारले पनि पहल गरेर एयर एम्बुलेन्सको व्यवस्था गरेर राष्ट्रपति पौडेललाई दिल्ली पठाउने तयारी गरेको हो ।
स्वास्थ्य अवस्था जटिल भएपछि उपचारका लागि बाहिर लैजाने कुरा भएपनि राष्ट्रपति पौडेलले यसअघि अस्वीकार गर्दै आएका थिए । केही समयअघिदेखि राष्ट्रपति पौडेलको स्वास्थ्यमा गढबढ आइरहेको छ ।
