फाइल फोटो
बझाङ । प्रमुख प्रतिपक्षी दल नेकपा (एमाले)का नेता विष्णु पौडेलले गठबन्धन सरकार जनताका लागि बोझ बनेको टिप्पणी गरेका छन् ।
नेता पौडेलले परमादेशका आधारमा बनेको शेरबहादुर देउवा सरकार राष्ट्रियता र विकास विरोधी रहेको समेत बताए ।
सोमबार बझाङमा आयोजित जनसभालाई सम्बोधन गर्दै उनले यस्तो बताएका हुन् । नेता पौडेलले गठबन्धन सरकार नेपाल र नेपाली समाजका लागि बोझ र जिउँदो लास भएको समेत बताए।
“परमादेशका आधारमा बनेको सरकारलाई नेपाली जनताले विस्थापित गर्न चाहान्छन् ।”, उनले भने ।
आगामी निर्वाचनपछि नेकपा एमालेले बहुमतको सरकार बनाउने र विकासलाई निरन्तरता दिने नेता पौडेलले दावी समेत गरे ।
