काठमाडौं । जनता समाजवादी पार्टी नेपालले दुई जनालाई राजदूत नियुक्तिको लागि नाम सिफारिस गरेको छ । डा. राम सोगरथ रायलाई डेनमार्क र नवराज सुवेदीलाई साउदी अरबको राजदूतको रूपमा सरकारलाई नाम सिफारिस गरिएको छ ।
आज बिहिवार पार्टी केन्द्रीय कार्यालय बालकुमारीमा बसेको तीन सदस्यीय मुख्यालयको बैठकले डा. राय र सुवेदीको नाम तय गरेको हो । राजदूत नियुक्तिको लागि बिहिवार नै परराष्ट्र मन्त्री डा. नारायण खड्कालाई बुझाईएको हो ।
पार्टी मुख्यालय समितिमा पार्टी अध्यक्ष उपेन्द्र यादव, संघीय परिषद अध्यक्ष डा. बाबुराम भट्टराई र वरिष्ठ नेता अशोक कुमार राई रहेका छन ।
