काठमाडौं । नेकपा एमालेका नेता युवराज ज्ञवाली र अष्टलक्ष्मी शाक्यले आइतबार बिहान अध्यक्ष केपी शर्मा ओलीलाई भेटेका छन् ।
स्रोतका अनुसार सौराहास्थित ओली बसेकै होटलमा गएर शाक्य र ज्ञवालीले भीम रावललाई मिलाएर सहमतिमै नेतृत्व चयन गर्न ओलीलाई आग्रह गरेका हुन् ।
सो क्रममा उनीहरूले रावलसँग वार्ता गर्न पनि ओलीलाई सुझाएका छन् । जवाफमा ओलीले आफू सबैलाई मिलाएर लैजान तयार रहेको बताउनुका साथै रावलसँग वार्ता गर्ने आश्वासन पनि दिएका थिए ।
स्रोतका अनुसार हिजो सुरेन्द्र पाण्डे र गोकर्ण विष्टले पनि ओलीलाई भेटेर सहमतिका लागि दबाब दिएका थिए ।
