प्रचण्ड पत्नी सीताको स्वास्थ्य अवस्था बुझ्न प्रधानमन्त्री देउवा अचानक खुमलटारमा Nepalpatra प्रचण्ड पत्नी सीताको स्वास्थ्य अवस्था बुझ्न प्रधानमन्त्री देउवा अचानक खुमलटारमा
१२ श्रावण २०७८, मंगलबार

प्रचण्ड पत्नी सीताको स्वास्थ्य अवस्था बुझ्न प्रधानमन्त्री देउवा खुमलटारमा


प्रधानमन्त्री देउवा अचानक खुमलटारमा

काठमाडौँ । प्रधानमन्त्री शेरबहादुर देउवा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ को निवास खुमलटार पुगेका छन् । अस्वस्थ रहेकी प्रचण्ड पत्नी सीता दाहाललाई भेट्न प्रधानमन्त्री देउवा प्रचण्ड निवास गएको बुझिएको छ ।

प्रधानमन्त्री देउवा अध्यक्ष दाहाल पत्नी सीता दाहालको स्वास्थ्य स्थिति बुझ्न केहीबेर अघि खुमलटार पुगेका हुन् । सीता लामो समयदेखि पार्किन्सन् रोगका कारण अस्वस्थ रहेकी छन् ।

अध्यक्ष प्रचण्डका प्रेस विज्ञ विष्णु सापकोटाका अनुसार प्रधानमन्त्रीले पहिल्यैदेखि सीता दाहालको स्वास्थ्य अवस्थाको बारेमा बुझ्न खोज्दै हुनुहुन्थ्यो, सोही क्रममा आज खुमलटार पुग्नुभएको हो ।

यसअघि आज मंगलबार बिहानमात्रै देउवा र प्रचण्डबीच बालुवाटारमा भेटवार्ता भएको थियो । बिहान प्रचण्ड प्रधानमन्त्रीको सरकारी निवास बालुवाटार पुगेर देउवासँग मन्त्रिपरिषद् विस्तार, सरकारको आगामी कार्ययोजना लगायतका विषयमा छलफल गरेका थिए ।

आज बिहान देउवा र प्रचण्डवीच भएको भेटमा सरकार सञ्चालन र गठबन्धनको साझा नीति तथा कार्यक्रम तय गर्ने विषयमा छलफल भएको थियो ।प्रतिनिधिसभामा विश्वासको मत प्राप्त गरेका देउवा गठबन्धनको विश्वास लिएर अगाडि बढ्ने रणनीतिमा देखिएका छन् ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !