काठमाडौँ । सत्तारुढ दल नेकपा एमालेले आगामी दशौं महाधिवेशन २०७९ साल वैशाख ३० गतेभित्र गर्ने प्रस्ताव गरेको छ । आज शनिवार प्रधानमन्त्री निवास बालुवाटारमा बसेको एमाले केन्द्रीय कमिटी बैठकमा महासचिव ईश्वर पोखरेलले वैशाख ३० गतेभित्र महाधिवेशन गर्न प्रस्ताव गरेका हुन् ।
यसअघि एमालेले मंसिर २ गतेदेखि ६ गतेसम्म महाधिवेशन गर्ने भनिएकोमा अहिले सारेर वैशाख पुर्याउने प्रस्ताव गरेको हो । शनिवारको बैठकमा महासचिव पोखरेलले यही असार मसान्त भित्र पार्टी सदस्यता नवीकरण गरिसक्न, साउन १५ गतेसम्म स्थानीय तहका वडामा अधिवेशन गर्नेसहितका प्रस्ताव पेश गरेका छन् ।
आज जारी बैठकमा माधव नेपाल समूहका नेताहरुको भने सहभागी भएका छैनन् तर उपाध्यक्ष वामदेव गौतम भने आजको बैठकमा पनि सहभागी भएका छन् ।
यो पनि पढ्नुहोस्
एमाले केन्द्रीय कमिटीको दोस्रो दिनको बैठक बालुवाटारमा जारी
माधव नेपाललाई प्रधानमन्त्री केपी ओलीले गरे फोन
एमाले विवाद मिलाउन दोस्रो तहका नेताको निर्णायक वार्ता होटल समिटमा जारी
