देउवा निवास बुढानिलकण्ठमा विपक्षी दलका शीर्ष नेताहरुवीच छलफल Nepalpatra देउवा निवास बुढानिलकण्ठमा विपक्षी दलका शीर्ष नेताहरुवीच छलफल
३१ जेष्ठ २०७८, सोमबार

देउवा निवास बुढानिलकण्ठमा विपक्षी दलका शीर्ष नेताहरुवीच छलफल


शेरबहादुर देउवा, प्रचण्ड र उपेन्द्र यादव

काठमाडौँ । नेपाली कांग्रेसका सभापति शेरबहादुर देउवाको निवास बुढानिलकण्ठमा विपक्षी तीन दलका शीर्ष नेताबीच छलफल जारी रहेको छ । आगामी रणनीति बनाउने बारेमा सभापति देउवा, नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र जसपाका अध्यक्ष उपेन्द्र यादवबीच आज शुक्रबार छलफल भएको हो ।

देउवाका सचिअलयले दिएको जानकारी अनुसार बैठकमा तीन शीर्ष नेताका साथै काँग्रेस वरिष्ठ नेता रामचन्द्र पौडेल, कृष्णप्रसाद सिटौला, माओवादी केन्द्रका नेता नारायणकाजी श्रेष्ठ पनि सहभागी भएका छन् ।

विपक्षी दलहरूले वैकल्पिक सरकार बनाउने तयारी गरे पनि हिजो बिहीबार भने असफल भएका थिए । वैकल्पिक सरकार निर्माणमा सफल हुन नसक्नुको कारणबारे पनि छलफलमा समीक्षा भइरहेको छ ।

प्रधानमन्त्री केपी शर्मा ओलीले वैशाख २७ गते सोमबार विश्वासको मत लिन नसकेपछि राष्ट्रपति विद्यादेवी भण्डारीले दुई वा दुई भन्दा बढी दललाई बहुमतको सरकार निर्माणका लागि आह्वान गरेकी थिइन् । तर बिपक्षी दलहरुले बहुमत दाबी पेश गर्न सकेनन् ।

गत सोमबार प्रतिनिधि सभामा ओलीले विश्वासको मत लिन सकेका ओली हिजो बिहीबार बेलुकी पुन: प्रधानमन्त्री नियुक्त भएका थिए । संविधानको धारा ७६ (३) अनुसार प्रधानमन्त्री भएका ओलीले ३० दिनभित्र प्रतिनिधि सभाबाट विश्वासको मत लिनुपर्छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !