१६ फागुन, काठमाण्डौ । रामबहादुर थापा ‘बादल’ गृहमन्त्री बनेपछि पहिलो पटक प्रहरी हेडक्वार्टर निरीक्षणमा निस्केका छन् । उनले देशको पछिल्लो सुरक्षा अबस्थाको बारेमा ब्रिफिङ लिएका छन् ।
प्रहरी महानिरीक्षक प्रकाश अर्यालले संगठनको अवस्था र शान्ति सुरक्षाको स्थितिको बारेमा गृहमन्त्रीलाई अवगत गराएका छन् ।
प्रहरी वरिष्ठ उपरीक्षक (एसपी) देखि माथिल्लो दर्जाका प्रहरी अधिकृतहरु ब्रिफिङमा सहभागी रहेको स्रोतले बतायो । साथै गृहमन्त्रीले देशको शान्ति सुरक्षा चुस्त र दुरुस्त बनाउन प्रहरी अधिकृतहरुलाई निर्देशनसमेत दिएका छन् ।
यसअघि गृहमन्त्री नियुक्त भएलगत्तै प्रतिक्रिया दिँदै थापाले नेपालको सुरक्षा निकायलाई विश्वकै नमुना बनाउने बताएका थिए ।
