फाइल फोटो
काठमाडौं । प्रधानमन्त्री केपी शर्मा ओलीले आकस्मिक मन्त्रिपरिषद् बैठक बोलाएका छन् । उनले प्रधानमन्त्री निवास बालुवाटारमा आज आइतबार अपरान्ह ४ बजे मन्त्रिपरिषद् बैठक बोलाएका हुन् ।
आजको बैठकका एजेण्डा नखुलाइएपनि नियमित बैठक भएकाले आजको बैठकमा कोरोना महामारी नियन्त्रण, रोकथाम र उपचारमा केन्द्रित छलफल र निर्णय हुन सक्ने बताइएको छ ।
मन्त्रिपरिषद्को नियमित बैठक सोमबार बस्ने गरेको भएपनि प्रधानमन्त्री ओलीले एक दिनअघि नै बैठक बोलाउनुलाई राजनीतिक वृत्तमा चासोका साथ हेरिएको छ ।
कोरोना रोकथामका लागि सिसिएमसीले गरेका सिफारिस पारित गर्न मन्त्रिपरिषद् बैठक बोलाइएको बुझिएको छ । मन्त्रिपरिषदको नियमित बैठक सोमबार बस्ने भएपनि प्रधानमन्त्रीले आइतबार बैठक बोलाएका हुन ।
