कोभिडविरुद्धको लडाइँमा एकजुट भएर लाग्न आम नेता कार्यकर्तालाई ओलीको निर्देशन Nepalpatra कोभिडविरुद्धको लडाइँमा एकजुट भएर लाग्न आम नेता कार्यकर्तालाई ओलीको निर्देशन
१२ मंसिर २०७८, आइतबार

कोभिडविरुद्धको लडाइँमा एकजुट भएर लाग्न आम नेता कार्यकर्तालाई ओलीको निर्देशन


एमालेको महाधिवेशन आयोजक समितिको बैठक फाइल फोटो

काठमाडौँ । प्रधानमन्त्री समेत रहेका नेकपा एमालेका अध्यक्ष केपी शर्मा ओलीले कोरोना भाइरसको संक्रमण बढिरहेको भन्दै पार्टीका आम नेता कार्यकर्तालाई परिचालित हुन निर्देशन दिएका छन् ।

आज आइतबार प्रधानमन्त्री निवास बालुवाटारमा एमालेको महाधिवेशन आयोजक समितिको बैठकमा प्रधानमन्त्री ओलीले स्थानीय सरकारी संयन्त्रसँग सहकार्य गर्दै कोरोना रोकथाम र नियन्त्रणका कार्यमा एकजुट भएर खटिन आम नेता कार्यकर्तालाई निर्देशन दिएका हुन् ।

बैठक सकिएपछि पार्टी प्रवक्ता प्रदीप ज्ञवालीले कोरोना रोकथाम र नियन्त्रणका लागि खटिन सम्पूर्ण पार्टीपंक्तिलाई निर्देशन दिएको जानकारी दिए । बैठकमा ओलीले कोरोनाले फेरि महामारीको रुप लिन थालेको भन्दै नागरिकलाई जोगाउन सरकारले आवश्यक काम गरिरहेको बताएका थिए ।

एमाले महाधिवेशन आयोजक कमिटीको तेस्रो बैठकमा प्रधानमन्त्री ओलीले कोरोनाको नयाँ भेरियन्टका कारण उत्पन्न हुनसक्ने परिस्थितिको सामना गर्न पार्टी पंक्ति सक्रिय हुनुपर्ने बताएका हुन् ।

परराष्ट्रमन्त्री ज्ञवालीले भने, ‘प्रधानमन्त्री एवं पार्टी अध्यक्षले एमालेको सबै संरचनाका नेता कार्यकर्ताहरूलाई कोभिड-१९ विरुद्धको लडाइँमा सक्रिय रहन निर्देश गर्नुभएको छ । सरकारले पनि आफ्नो स्थानबाट अधिकतम प्रयास गरिरहेको जाकमनकारी गराउनुभयो ।’

बैठकमा अक्सिजन प्लान्टहरुलाई पूर्णक्षमतामा विस्तार गर्ने , नयाँ सिलिण्डर ल्याउने, खोपलाई अझ विस्तार गर्ने लगायतका काम सरकारले गरिरहेको जानकारी प्रधानमन्त्री ओलीले गरेका थिए ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !