भरतपुर । बाग्मती प्रदेशका मुख्यमन्त्री डोरमणि पौडेलले प्रदेश संसदीय दलको उपनेता शालिकराम जमरकट्टेल र सचेतक वुद्धिमान माझीलाई पदमुक्त गरेका छन् । प्रदेश सरकाविरुद्ध अविश्वास प्रस्ताव दर्ता गराउन भूमिका खेलेको भन्दै मुख्यमन्त्री पौडेलले उनीहरुलाई हटाएका हुन् ।
बाग्मती प्रदेशका मुख्यमन्त्री पौडेल नेकपाको केपी शर्मा ओली समूहका हुन् भने जम्मकट्टेल र माझी प्रचण्ड-नेपाल समूहका हुन् । नेकपाको प्रचण्ड- नेपाल समूहले मुख्यमन्त्री पौडेलविरुद्ध प्रदेशसभामा अविश्वास प्रस्ताव दर्ता गराएको थियो ।
पुस १० गते शुक्रबार बा मुख्यमन्त्री पौडेलविरुद्ध नेकपा प्रचण्ड-माधव समूहका ४५ सांसदले प्रदेशसभामा अविश्वासको प्रस्ताव दर्ता गराएका थिए । सो भन्दा अघि सरकारमा रहेका आन्तरिक मामिलामन्त्री जमरकट्टेल, उद्योगमन्त्री अरुण नेपाल र सामाजिक विकासमन्त्री युवराज दुलालले राजीनामा दिएका थिए ।
नेकपा विभाजनको असर प्रदेशमा पनि तीव्र रुपमा देखिन थालेको छ । मुख्यमन्त्री पौडेलले जमरकट्टेल र माझीलाई पदमुक्त गरेसँगै प्रदेश ३ को सरकार अव के होला भन्ने चासो पनि बढेको छ ।
यो पनि पढ्नुहोस्
