काठमाडौँ, कार्तिक ३ । पूर्वप्रधानमन्त्री एवं समाजवादी पार्टीका नेता डा. बाबुराम भट्टराईले सांसदले मात्रै नभएर कर्मचारीले पनि दसैं भत्ता बापतको रकम फिर्ता गर्नुपर्ने धारणा राखेका छन् । दसैं भत्ताको विषयमा सांसदहरूको आलोचना भइरहेको बेला भट्टराईको उक्त अभिव्यक्ति आएको हो ।
आज सोमबार ट्विटरमा लेखेका छन्, ‘मिडियाले कुरीकुरी गरेपछि लोकरिझ्याँइका लागि एक्लाएक्लै दसैं भत्ता नलिने घोषणा गर्नु सट्टा नेता/सांसदहरूले सरकारलाई धर्मनिरपेक्ष देशमा यस्ता पर्वमुखी भत्ता प्रणालीलाई नै खारेज गर्न दबाब दिनुपर्ने हैन र ? सांसद मात्र हैन कर्मचारीले समेत एकमुष्ट १५ अर्ब रुपैयाँ कोरोना पीडितमा लगाए पो अर्थ होला ।’
मिडियाले कुरीकुरी गरेपछि लोकरिझ्याइॅकालागि एक्लाएक्लै दशैंभत्ता नलिने घोषणा गर्नु सट्टा नेता/सांसदहरूले सरकारलाई धर्मनिरपेक्ष देशमा यस्ता पर्वमुखी भत्ताप्रणालीलाई नै खारेज गर्न दबाब दिनुपर्ने हैन र?सांसद मात्र हैन कर्मचारीले समेत एकमुष्ट रू१५अर्ब कोरोनापीडितमा लगाए पो अर्थ होला !
— Baburam Bhattarai (@brb1954) October 19, 2020
सांसदहरूले दसैं भत्ताबापत प्राप्त गरेको करिब २ करोड रुपैयाँ कोरोना कोषमा राख्ने निर्णय गरेका छन् । सार्वजनिक रूपमा आलोचना भएपछि प्रमुख राजनीतिक पार्टीहरूले संसदीय दलमार्फत् निर्णय गरेर सांसदले दसैं भत्ताबापत प्राप्त गरेको रकम कोरोना कोषमा जम्मा गर्ने निर्णय लिएका हुन् । प्रधानमन्त्री तथा मन्त्रीहरूले पनि दसैं भत्ता कोरोना कोषमा राख्ने निर्णय लिएका छन् ।
यो पनि पढ्नुहोस्
नेकपाले पनि सबै सांसदको दसैं भत्ता कोरोना कोषमा जम्मा गर्ने
नेपाली कांग्रेसद्वारा सांसदको ४३ लाख २० हजार दसैं भत्ता फिर्ता गर्ने निर्णय
कोरोनाको परीक्षण र उपचार निःशुल्क गर्न नेपाली काँग्रेसको माग
कांग्रेसका सबै सांसदलाई दशैं भत्ता फिर्ता गर्न सभापति देउवाकाे निर्देशन
