काठमाडौँ । चर्चित टेलिभिजन प्रस्तोता रवि लामिछानेले नयाँ टेलिभिजन ‘ग्यालेक्सी 4K’ को आधिकारिक प्रशारण आजदेखि शुरु हुँदैछ । आज शुक्रबार साँझ ७ बजे काठमाडौंमा एक कार्यक्रम आयोजना गरी शुभारम्भ गर्ने लागिएको हो ।
उक्त टेलिभिजनका म्यानेजिङ डाइरेक्टर रहेका लामिछानेले नेपालमा पहिलो फोरके टिभी ल्याएका छन् । उक्त टेलिभिजनले जनताका आवाजलाई प्राथमिकता दिने र मनोरञ्जनात्मक कार्यक्रम दिने बताएको छ ।
वरिष्ठ पत्रकार ‘विजयकुमार’ पाण्डेले पनि उक्त पनि सो टेलिभिजनमा एउटा कार्यक्रम संचालन गर्ने बताएका छन् । राजेश हमालले विगतमा एपी वान एचडीमा संचालन गर्ने गरेको ‘को बन्छ करोडपति’ कार्यक्रम अव उक्त टेलिभिजनमा प्रशारण हुने हमालले बताएका छन् ।
साथै कलाकार दिपकराज गिरीले पनि सो टेलिभिजनमा एउटा कार्यक्रम संचालन गर्ने बताएका छन् । मोटिभेशन स्पिकर रमेश प्रसाईले ‘लाल मोहर’ नामक कार्यक्रम उक्त टेलिभिजनमा प्रशारण गर्ने उनले बताएका छन् ।
महाविर पुनको नेतृत्वमा रहेको राष्ट्रिय आविष्कार केन्द्रले ‘आविष्कार’ नामक कार्यक्रम महाविर पुनले नै उक्त टेलिभिजनमा प्रशारण गर्ने उनले बताइएको छ ।
न्यूज २४ टेलिभिजनमा ‘सिधा कुरा जनतासँग’ सञ्चालन गरेका उनको कार्यक्रम लोकप्रिय रहेको थियो भने नयाँ टेलिभिजन खोल्नकै लागि भनेर उनी हालै सो संस्थाबाट बाहिरिएका थिए ।
टेलिभिजनको अध्यक्षमा डीबी राई रहेका छन् भने उपाध्यक्ष छविलाल बञ्जाडे रहेका छन् । उद्घाटन समारोहमा बोल्दै लामिछानेले टेलिभिजनले आम सर्वसाधारणको हेडलाइन बनाउने बताएका छन् ।
साथै उक्त टेलिभिजनमा क्राइम पेट्रोल नेपाल, रामायण, सारेगम, सिधा कुरा लगायत अन्य कार्यक्रमहरु पनि प्रशारण हुनेछन् । अहिले नेपालमा प्रशारण भईरहेका टेलिभिजन भन्दा फरक सोचका साथ आएको यो टेलिभिजनले दर्शकहरुको मन कत्तिको जित्ला त्यो भविष्यले बताउला ।
यो पनि पढ्नुहोस्
पत्रकार रवि लामिछानेले ल्याए नयाँ ‘ग्यालेक्सी फोरके’ टिभी
न्युज24 छाड्दै रवी लामिछानेले भने, “म प्रधानमन्त्री बनेर जनताको सेवा गर्छु”
ओली, प्रचण्ड र चौधरीका बारेमा समाचारको हेडलाइन बनाउने मुलधारका मिडियाको विरोध गर्छु : रवि लामिछाने
यो देश पालै पालो ओली बा, नानीका “बा” र देउवा “बा” हरुको मात्रै :रवि लामिछाने
