पत्रकार रवि लामिछानेले ल्याए नयाँ 'ग्यालेक्सी फोरके' टिभी Nepalpatra पत्रकार रवि लामिछानेले ल्याए नयाँ 'ग्यालेक्सी फोरके' टिभी
१३ फाल्गुन २०७७, बिहिबार

पत्रकार रवि लामिछानेले ल्याए नयाँ ‘ग्यालेक्सी फोरके’ टिभी


रवि लामिछाने र ‘ग्यालेक्सी फोरके’ टिभी

काठमाडौँ । पत्रकार रवि लामिछाने लगायतले नयाँ टेलिभिजन च्यानल ल्याएका छन् । उक्त टेलिभिजनको नाम ‘ग्यालेक्सी फोरके’ रहेको छ । उक्त टेलिभिजनका म्यानेजिङ डाइरेक्टर रहेका लामिछानेले नेपालमा पहिलो फोरके टिभी आफूहरूले ल्याएको बताएका छन् ।

आज मंगलबार काठमाडौंमा एक कार्यक्रम गरी लामिछानेले नेपालमा थप एक सञ्चार माध्यम थप भएको बताउदै जनताका आवाजलाई प्राथमिकता दिने र मनोरञ्जनात्मक कार्यक्रम दिन टेलिभिजन ल्याइएको बताएका छन् ।

वरिष्ठ पत्रकार ‘विजयकुमार’ पाण्डेले पनि उक्त पनि सो टेलिभिजनमा एउटा कार्यक्रम संचालन गर्ने बताएका छन् । राजेश हमालले विगतमा एपी वान एचडीमा संचालन गर्ने गरेको ‘को बन्छ करोडपति’ कार्यक्रम अव उक्त टेलिभिजनमा प्रशारण हुने हमालले बताएका छन् ।

साथै कलाकार दिपकराज गिरीले पनि सो टेलिभिजनमा एउटा कार्यक्रम संचालन गर्ने बताएका छन् । मोटिभेशन स्पिकर रमेश प्रसाईले ‘लाल मोहर’ नामक कार्यक्रम उक्त टेलिभिजनमा प्रशारण गर्ने उनले बताएका छन् ।

महाविर पुनको नेतृत्वमा रहेको राष्ट्रिय आविष्कार केन्द्रले ‘आविष्कार’ नामक कार्यक्रम महाविर पुनले नै उक्त टेलिभिजनमा प्रशारण गर्ने उनले बताइएको छ ।

न्यूज २४ टेलिभिजनमा ‘सिधा कुरा जनतासँग’ सञ्चालन गरेका उनको कार्यक्रम लोकप्रिय रहेको थियो भने नयाँ टेलिभिजन खोल्नकै लागि भनेर उनी हालै सो संस्थाबाट बाहिरिएका थिए ।

टेलिभिजनको अध्यक्षमा डीबी राई रहेका छन् भने उपाध्यक्ष छविलाल बञ्जाडे रहेका छन् । उद्घाटन समारोहमा बोल्दै लामिछानेले टेलिभिजनले आम सर्वसाधारणको हेडलाइन बनाउने बताएका छन् ।

साथै उक्त टेलिभिजनमा क्राइम पेट्रोल नेपाल, रामायण, सारेगम, सिधा कुरा लगायत अन्य कार्यक्रमहरु पनि प्रशारण हुनेछन् । अहिले नेपालमा प्रशारण भईरहेका टेलिभिजन भन्दा फरक सोचका साथ आउन लागेको यो टेलिभिजनले दर्शकहरुको मन कत्तिको जित्ला त्यो भविष्यले बताउला ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !
सम्बन्धित खबरहरु