People in protective masks. Individual protection, transport and public place. Coronavirus quarantine, world epidemic or pandemic. Man woman in train or subway take distance vector illustration
नवलपुर, २५ जेठ । आज विहानै नवलपुर जिल्लामा थप ४ जना कोरोना संक्रमण पुष्टि भएको छ । स्वास्थ्य निर्देशनालय रामघाट पोखराकी निर्देशक तथा गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा. विनोद विन्दु शर्माले आज बिहान ६:०० बजे एक प्रेस बिज्ञप्ति जारी गर्दै सो जानकारी गराएका हुन् ।
स्वास्थ्य कार्यालय नवलपुरका अनुसार नवलपुर जिल्लाको हुप्सेकोट गाउँपालिका वडा नम्वर २ का ४ जनामा कोरोना संक्रमण पुष्टि भएको छ । गत जेठ २० गते हुप्सेकोटबाट पठाइएको ४५ स्वावको नमुना मध्ये ४ जनामा पोजेटिभ देखिएको हो । अहिले १ जना विरामीलाई स्वास्थ्यमा समस्या भएकाले हिजो साँझ भरतपुर अस्पतालमा लागिएको छ र ३ जनालाई रजहर स्थित प्राकृति चिकिस्तालयमा राखिएको छ ।
जनस्वास्थ्य प्रयोगशाला पोखरामा कोरोना परिक्षणका लागि पठाइएको ४५ जनाको स्वाव मध्य आज विहान ४ जनामा कोरोना संक्रमण पुष्टि भएको छ । हुप्सेकोट गाउपलिका वडा नम्वर २ का ३५ वर्षका दुई जना, २० र ४५ वर्षका एक एक जना गरि ४ जनामा कोरोना संक्रमण देखिएको जिल्ला स्वास्थ्य कार्यालय नवलपुरले जनाएको छ ।
संक्रमण देखिएका ४ जना नै वडा नम्वर २ मा रहेको जनता आधारभुत विधालयको क्वारेन्टाइनमा रहेका थिए भने अन्य वाह्य व्यक्ति एवम् परिवारसंग भेटघाट नगरेको जनाइएको छ । गत जेष्ठ ११ गते भारतको हिमाञ्चलवाट हिडेका उनीहरु जेष्ठ १४ गते सुनौली आइपुगी गाउँपालिका वटा गएको वसमा आएर जनता आधारभुत विधालयको क्वारेन्टाइन्मा वसेका थिए । उनीहरुसंगै आउने तथा सम्पर्कमा आउने व्यक्तिहरको खोज गर्ने कार्य जारी रहेको जनाइएको छ ।
