काठमाडौँ । नेपालमा पछिल्लो २४ घण्टामा कोरोना भाइरस (कोभिड-१९) संक्रमणबाट एक जनाको मृत्यु भएको स्वास्थ्य तथा जनसंख्या मन्त्रालयले जानकारी दिएको छ ।
पछिल्लो २४ घण्टामा ५७१ जनामा पिसिआर परिक्षण गर्दा ६३ जना र १०६१ जनामा एन्टीजेन परिक्षण गर्दा ४१ जना गरी जम्मा १६३२ नमुनाको परीक्षण गर्दा १०४ जनामा कोरोना भाइरस (कोभिड-१९) संक्रमण पुष्टि भएको छ ।
मन्त्रालयका अनुसार नेपालमा पछिल्लो २४ घण्टामा ६० जनाले कोरोना जितेर निको भएका छन् । हाल देशभर ३७९ जना सक्रिय कोरोना संक्रमित रहेका छन् ।
काठमाडौं उपत्यकामा ४४ जना कोरोना संक्रमितहरु रहेकोमा संस्थागत आइसोलेशनमा ३४ जना, आईसीयुमा ७ जना र भेन्टिलेटरमा ३ जना रहेका छन् ।
