काठमाडौँ, असोज ९ । नेपालमा आज कोरोना भाइरस (कोभिड-१९) संक्रमण नयाँ १३१३ जनामा पुष्टि भएको छ । योसँगै नेपालमा कोरोना संक्रमितको संख्या ७०६१४ पुगेको छ । स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गौतमले मन्त्रालयमा हुने नियमित पत्रकार ब्रिफिंगमा सो कुराको जानकारी दिएका छन् ।
मन्त्रालयका प्रवक्ता डा. गौतमका अनुसार पछिल्लो २४ घण्टामा १२२६२ पीसीआर परीक्षण गरिएको छ भने आजसम्म ९ लाख ६८ हजार १८५ पीसीआर परीक्षण गरिसकिएको छ । सक्रिय संक्रमितको संख्या १८२८९ सक्रिय संक्रमित आइसोलेसनमा रहेका छन् । संस्थागत आइसोलेसनमा ८२३७ जनाको उपचार भइरहेको छ भने होम आइसोलेसनमा १००५२ जना रहेका छन् । साथै हालसम्म क्वारेन्टाइनमा ६४६४ जना रहेका छन् ।
काठमाडौं उपत्यकामा आज ६४५ जनामा कोरोना संक्रमण पुष्टि भएको छ । मन्त्रालयका प्रवक्ता डा. गौतमका अनुसार आज काठमाडौं जिल्लाका ५०३ जना, ललितपुर जिल्लाका ९१ जना र भक्तपुर जिल्लाका ५१ जनामा कोरोना संक्रमण देखिएको छ ।
नेपालमा पछिल्लो २४ घण्टामा १४५५ जनाले कोरोना जितेसंगै नेपालमा कोरोना भाइरस जित्नेको संख्या ५१८६६ पुगेको छ । नेपालमा कोरोना संक्रमणबाट थप ६ जनाको मृत्यु भएको पुष्टि भएसंगै नेपालमा कोरोना संक्रमणबाट मृत्यु हुनेको संख्या ४५९ पुगेको पुष्टि भएको छ ।
प्रदेश तथा जिल्ला अनुसार आज थपिएका कोरोना संक्रमितहरुको विवरण
प्रदेश १
प्रदेश १ को खोटाङमा ३ जना, झापामा १४ जना, ताप्लेजुङ र तेह्रथुममा १/१ जना, मोरङमा ६९ जना, र सुनसरीमा २८ जनामा कोरोना संक्रमण पुष्टि भएको छ ।
प्रदेश २
प्रदेश २ को धुनषामा ११ जना, पर्सामा १५ जना, बारामा १० जना, महोत्तरीमा ५५ जना, रौतहटमा १ जना, सप्तरीमा ३ जना, सर्लाहीमा ३९ जना र सिरहामा १३ जनामा कोरोना संक्रमण देखिएको छ ।
बागमती प्रदेश
बागमती प्रदेशको काठमाडौंमा ५०३ जना, काभ्रेपलान्चोकमा ७ जना, चितवनमा ६७ जना, दोलखामा १ जना, धादिङमा ४ जना, नुवाकोटमा ३ जना, भक्तपुरमा ५१ जना, मकवानपुरमा ९ जना, रामेछापमा ४ जना, ललितपुरमा ९१ जना, सिन्धुपाल्चोकमा २ जना र सिन्धुलीमा २ जनामा कोरोना संक्रमण पुष्टि भएको छ ।
गण्डकी प्रदेश
गण्डकी प्रदेशको कास्कीमा १९ जना, गोरखामा १६ जना, तनहुँमा १७ जना, नवलपरासी पूर्वमा २४ जना, लमजुङमा ५ जना, बाग्लुङमा ८ जना र स्याङजामा ४ जनामा कोरोना संक्रमण देखिएको छ ।
प्रदेश ५
प्रदेश ५ को अर्घाखाँचीमा ४ जना, कपिलवस्तुमा ६ जना, गुल्मीमा ६ जना, दाङमा ९ जना, नलवपरासीमा २ जना, पाल्पामा ६ जना, प्युठानमा १३ जना, बर्दियामा ६ जना, बाँकेमा ३२ जना र रुपन्देहीमा ६१ जनामा कोरोना संक्रमण पुष्टि भएको छ ।
कर्णाली प्रदेश
कर्णाली प्रदेशको दैलेखमा १ जना, सल्यानमा १४ जना र सुर्खेतमा ९ जनामा कोरोना संक्रमण देखिएको छ ।
सुदूरपश्चिम प्रदेश
सुदूरपश्चिम प्रदेशको अछाममा २५ जना, कञ्चनपुरमा १ जना, कैलालीमा ६ जना, डोटीमा २ जना, दार्चुलामा १ जना र बझाङमा २५ जनामा कोरोना संक्रमण पुष्टि भएको छ ।
यो पनि पढ्नुहोस्
आज कुन प्रदेश तथा जिल्लामा कहाँ कति थपिए नयाँ कोरोना संक्रमितहरु ?
