काठमाडौँ, असोज ६ । नेपालमा आज कोरोना भाइरस (कोभिड-१९) संक्रमण नयाँ १३५६ जनामा पुष्टि भएको छ । योसँगै नेपालमा कोरोना संक्रमितको संख्या ६६६३२ पुगेको छ । स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गौतमले मन्त्रालयमा हुने नियमित पत्रकार ब्रिफिंगमा सो कुराको जानकारी दिएका छन् ।
मन्त्रालयका प्रवक्ता डा. गौतमका अनुसार पछिल्लो २४ घण्टामा १११५४ पीसीआर परीक्षण गरिएको छ भने आजसम्म ९ लाख ३४ हजार ९७७ पीसीआर परीक्षण गरिसकिएको छ । सक्रिय संक्रमितको संख्या १८१४२ सक्रिय संक्रमित आइसोलेसनमा रहेका छन् । संस्थागत आइसोलेसनमा ९१९३ जनाको उपचार भइरहेको छ भने होम आइसोलेसनमा ८९४९ जना रहेका छन् । साथै हालसम्म क्वारेन्टाइनमा ७१७१ जना रहेका छन् ।
काठमाडौं उपत्यकामा आज ६४७ जनामा कोरोना संक्रमण पुष्टि भएको छ । मन्त्रालयका प्रवक्ता डा. गौतमका अनुसार आज काठमाडौं जिल्लाका ५११ जना, ललितपुर जिल्लाका ७३ जना र भक्तपुर जिल्लाका ६३ जनामा कोरोना संक्रमण देखिएको छ ।
नेपालमा पछिल्लो २४ घण्टामा ८२३ जनाले कोरोना जितेसंगै नेपालमा कोरोना भाइरस जित्नेको संख्या ४८०६१ पुगेको छ । नेपालमा कोरोना संक्रमणबाट थप २ जनाको मृत्यु भएको पुष्टि भएसंगै नेपालमा कोरोना संक्रमणबाट मृत्यु हुनेको संख्या ४२९ पुगेको पुष्टि भएको छ ।
प्रदेश तथा जिल्ला अनुसार आज थपिएका कोरोना संक्रमितहरुको विवरण
प्रदेश १
प्रदेश १ को उदयपुरमा १, झापामा २०, तेह्रथुममा १, धनकुटा १, भोजपुरमा २, मोरङमा ५७,संखुवासभामा ४ र सुनसरीमा ७७ जनामा कोरोना संक्रमण पुष्टि भएको छ ।
प्रदेश २
प्रदेश २ को धुनषामा ११, पर्सामा ११, बारामा १५, रौतहटमा ४, सप्तरीमा ८, सर्लाहीमा १ र सिरहामा ३३ जनामा कोरोना संक्रमण देखिएको छ ।
बागमती प्रदेश
बागमती प्रदेशको काठमाडौंमा मात्र ५ सय ११ जनामा कोरोना पुष्टि भएको छ। काभ्रेमा ३०, चितवनमा २२, दोलखामा ४, धार्दिङमा ३, नुवाकोटमा १, भक्तपुरमा ६३, मकवानपुरमा ८, ललितपुरमा ७३, सिन्धुपाल्चोकमा २ र सिन्धुलीमा २ जनामा कोरोना संक्रमण पुष्टि भएको छ ।
गण्डकी प्रदेश
गण्डकी प्रदेशको कास्कीमा १५, गोरखामा २, तनहुँमा २५,पर्वतमा ३, लमजुङमा ६, बाग्लुङमा १६, स्याङजामा ४ जनामा कोरोना संक्रमण देखिएको छ ।
प्रदेश ५
प्रदेश ५ को अर्घाखाँचीमा २, कपिलवस्तुमा १९, गुल्मीमा २, दाङमा १९, नलवपरासीमा ८, पाल्पामा ८, प्युठानमा , बर्दियामा २७, बाँकेमा ५८, रुकुम पूर्वमा २५ रुपन्देहीमा ७४ र रोल्पामा १५ जनामा कोरोना संक्रमण पुष्टि भएको छ ।
कर्णाली प्रदेश
कर्णाली प्रदेशको दैलेखमा १, सुर्खेतमा ४४ जनामा कोरोना संक्रमण देखिएको छ ।
सुदूरपश्चिम प्रदेश
सुदूरपश्चिम प्रदेशको कञ्चनपुरमा १ जनामा कोरोना संक्रमण पुष्टि भएको छ ।
यो पनि पढ्नुहोस्
आज कुन प्रदेश तथा जिल्लामा कहाँ कति थपिए नयाँ कोरोना संक्रमितहरु ?
