, बाँकेका ३७ जनासहित थप ४३ जनामा कोरोना संक्रमण पुष्टि

बाँकेका ३७ जनासहित थप ४३ जनामा कोरोना संक्रमण पुष्टि

भेरी अस्पतालमा गरिएको परीक्षणमा थप ४३ जनामा कोरोना संक्रमण पुष्टि

नेपालगञ्ज, भदौ १९ । भेरी अस्पताल नेपालगञ्जमा गरिएको परीक्षणमा बाँकेका ३७ जनासहित थप ४३ जनामा कोरोना भाइरस (कोभिड-१९) संक्रमण पुष्टि भएको छ । अस्पतालले आज दिउसो १:४५ बजे एक विज्ञप्ति सार्वजनिक गर्दै गत २४ घण्टामा ४२१ वटा नमूना परीक्षण गर्दा थप ४३ जनामा कोरोना संक्रमण पुष्टि भएको जानकारी दिएको हो ।

आज दिउसो कोरोना संक्रमण पुष्टि हुनेहरुमा बाँकेका ३७ जना र बर्दियाका ६ जनामा रहेका छन् । आज दिउसो कोरोना संक्रमित हुनेहरुमा २८ जना पुरुषहरु र १५ जना महिला रहेका छन् ।

भेरी अस्पतालको प्रयोगशालामा हालसम्म पत्ता लागेका कोरोना संक्रमितहरुको संख्या १६९८ जना पुगेको छ । भेरी अस्पताल नेपालगञ्जमा हालसम्म प्राप्त नमूनाहरुको संख्या ३६३०८ रहेको छ भने हालसम्म परीक्षण सम्पन्न भएको नमूनाहरुको संख्या ३६२०८ वटा रहेको छ ।

भेरी अस्पतालमा गरिएको परीक्षणमा थप ४३ जनामा कोरोना संक्रमण पुष्टि