, गण्डकी प्रदेशमा थप २३ जनामा कोरोना पुष्टि, संक्रमितको संख्या १९३६

गण्डकी प्रदेशमा थप २३ जनामा कोरोना पुष्टि, संक्रमितको संख्या १९३६

गण्डकी प्रदेशमा संक्रमितको संख्या १९३६ पुग्यो, थप २३ जनामा कोरोना पुष्टि

पोखरा, भदौ १० । गण्डकी प्रदेशमा आज बिहान थप २३ जनामा कोरोना भाइरस (कोभिड-१९) को संक्रमण पुष्टि भएको छ । योसंगै गण्डकी प्रदेशमा कोरोना संक्रमितको संख्या १९३६ जना पुगेको छ ।

स्वास्थ्य निर्देशनालय रामघाट पोखराका निर्देशक तथा गण्डकी प्रदेश कोरोना नियन्त्रण तथा रोकथाम कार्यक्रमका प्रवक्ता डा. विनोद विन्दु शर्माले आज बिहान ७:१५ बजे एक प्रेस बिज्ञप्ति जारी गर्दै २३ जनामा कोरोना संक्रमण पुष्टि भएको जानकारी गराएका हुन् ।

आज बिहान अध्यावधिक विवरण अनुसार प्रदेश क्षयरोग केन्द्र, पोखरामा गरिएको परिक्षणमा गण्डकी प्रदेशमा थप भएका नयाँ २३ जनामा कोरोना संक्रमण पुष्टि भएको हो ।

कोरोना संक्रमित हुनेहरुमा लम्जुङको बेसीशहर नगरपालिका-७, र ८ का ३ जना तथा लमजुङमा कार्यरत १७ जना जना रहेका छन् । साथै नवलपरासी सुस्ता पूर्व गैडाकोट-१ का १ जना, कास्कीको मादी नगरपालिका-७ का १ जना र पोखरा महानगरपालिका-११ का १ जनामा पनि कोरोना संक्रमण देखिएको छ ।

लमजुङ जिल्ला, बेसीसहर-८ का ३२ बर्षीय पुरुष ग्लोबल आईएमई बैंकका कर्मचारी हुन् भने १७ जना पुरुषहरु नेपाल आर्मीमा कार्यरत रहेका छन् | कास्की जिल्ला, पोखरा महानगरपालिका-११ का १ जना साई अर्चना अस्पतालमा कार्यरत कर्मचारी हुन् भने मादी गाउँपालिकाका १ जना दुबईबाट आएका हुन् । साथै अन्य सवै जना व्यक्तिहरु कन्ट्याक ट्रेसिङ मार्फत पहिचान भएका हुन् ।

आज कोरोना संक्रमण पुष्टि हुनेहरु सवैलाई सम्बन्धित जिल्लामा रहेको आईसोलेसन कक्षमा लैजाने तयारी भई रहेको छ । यसैगरी गण्डकी प्रदेशमा कोरोनको संक्रमणबाट निको हुनेको संख्या १६४३ (निको हुने दर ८४.८६ %) रहेको छ ।

गण्डकी प्रदेशमा थप २३ जनामा कोरोना पुष्टि, संक्रमितको संख्या १९३६