आयुर्वेदिक औषधिवाट प्यारालाइसिसको उपचार विधिको एक अनुभव Nepalpatraआयुर्वेदिक औषधिवाट प्यारालाइसिसको उपचार विधिको एक अनुभव
२८ श्रावण २०७९, शनिबार

आयुर्वेदिक औषधिवाट प्यारालाइसिसको उपचार विधिको एक अनुभव


प्यारालाइसिसको उपचार

आज नेपालमा सवैभन्दा बढी देखिने रोगको श्रेणीमा प्यारालाइसिस पर्दछ । रक्त सञ्चारमा अवरोध आएपछि हुने कमजोरीलाई प्यारालाइसिस वा पक्षाघात भनिन्छ । पक्षाघात हुने धेरै कारण भएपनि यसलाई मुख्यतय: २ किसिमले हेर्न सकिन्छ ।

प्यारालाइसिस चाहेर हुने होइन । आफ्नो स्वास्थप्रति सजगता नअपनाउँदा यो समस्या निम्तने हुन्छ । हामीले विगत लामो समयदेखि यस्ता उपचार आयुर्वेद पद्धतिबाट गर्दै आएका छौं । यो रोग लागेपछि चाँडो निको हुदैनन् ।

१. रक्तसञ्चार नपुगेर हुने प्यारालाइसिस, जसलाई इन्फाक्र्सन भनिन्छ ।

२. रक्तसञ्चार हुने धमनीमा कमजोरी आएर रक्तश्राव हुने प्यारालाइसिस, जसलाई ब्रेन हेमरेज भनिन्छ ।

लक्षण

अचानक मस्तिष्कको जुन भागमा अप्ठेरो परेको हो त्यस भागले नियन्त्रण गर्ने अंगमा कमजोरी देखिन्छ । प्रायः प्यारालाइसिसमा एक साइडको हातखुट्टा र मुख बाङ्गो हुन्छ । आँखालाई नियन्त्रण गर्ने भागमा भयो भने आँखाका लक्षण देख्न सकिन्छ । तर कहिलेकाही पक्षाघातको खतरनाक पूर्व संकेत पनि पाइन्छ । जसलाई ‘ट्रान्जिएन्ट एण्ड स्क्रिमिक अट्याक’ भनिन्छ । प्यारालाइसिस भइसकेपछि कुनै एक हात र एक खुट्टा नचल्ने हुन्छ ।

रोकथाम

२० वर्ष उमेर पुगेपछि स्वस्थ व्यक्तिले पनि नियमित स्वास्थ्य परीक्षण गराउनु उचित हुन्छ । उच्च रक्तचाप, मधुमेह, मोटोपन, ध्रुमपान र खराब बोसो छ भने त्यसलाई नियन्त्रण गर्नुपर्छ । शरिरलाई सधै स्वस्थ राख्ने, सकारात्मक सोच राख्ने, नियमित व्यायाम गर्ने गर्नुपर्छ । खानपिनमा विशेष ध्यान दिनुका साथै जीवनशैली परिवर्तन गरेमा प्यारालाइसिसबाट बच्न सकिन्छ ।

उपचार

आज मैले आयुर्वेदिक उपचारबाट प्यारालाइसिसको उपचार गर्ने विधिबारे प्रकाश पार्ने जमर्को गर्दैछु ।

१. एकाङ्गविर रस १ गोली दिनमा २ पटक ५/६ महिना सम्म खान दिनाले फेसिएल प्यारालाइसिस निको पार्दछ ।

२. माहा योगराज गुग्गल १ गोली दिनमा २ पटक खान दिने ।

३. माहाराष्नादि काढा यो औषधि १५ देखि ३० एम,एक जति समभाग पानी मिलाएर खान दिने ।

४. लसुनको ४ वटा केसरी विहान बेलुका दुधसंग खान दिने ।

५. लसुनको ८-१० वटा केसरीलाई मसिनोसंग थिच्ने र एक कप दूधमा राखेर पकाउने राम्रोसंग पाकेपछि चिनि राखेर दैनिक खान दिने राम्रो फाइदा गर्दछ ।

६. सुठो र सिधेनुन समभाग मिलाएर पिस्ने र नस लिने फाइदा गर्दछ ।

नोट : यो उपचारबाट धेरैले लाभ उठाउनु भएको छ ।‌

*डा. राम बहादुर बोहरा नेपाल वैकल्पिक चिकित्सा विकास परिषद नवलपरासीको अध्यक्ष, बरिष्ट आयुर्वेद डाक्टर, साइन्स इन्फोटेक र नेपालपत्रका सल्लाहकार तथा नेपालपत्रको स्वास्थ्य स्तम्भकार हुनुहुन्छ ।


यो समाचार पढेर तपाईको प्रतिक्रिया के छ ?

प्रतिक्रिया दिनुहोस !