, नेपालको विकास किन हुन सकेन ? यसको ठोस कारण के हुन सक्छ

नेपालको विकास किन हुन सकेन ? यसको ठोस कारण के हुन सक्छ

जनआन्दोलनपछि बन्द भएका उद्योग बन्द अवस्थामा छन् यता कसैको ध्यान पुग्न सकेको छैन

डा. राम बहादुर बोहरा

डा. राम बहादुर बोहरा

नेपालको विकास किन हुन सकेन ? यसको ठोस कारण के हुन सक्छ भन्ने कुरा पेचिलो हुदैछ । नेपाली हामीमा कमजोर मनोबृति र अर्काको भरमा बाच्ने संस्कारका कारण पछि पर्दैछौं । यसको ठोस कारण हो सहयोग लिने बानी । जबसम्म हामीमा सहयोग लिने बानीको विकास रहनेछ तबसम्म देश उकालो होइन ओरालो लाग्दै जानेछ ।

यदि हामी पछि फर्केर हेर्छौ भने हिजो नेपाल कसैको आश्रितमा थिएन । आफ्नै स्रोत र साधनमा थियो भने नेपाली कामदार नभएर विदेशीले उद्योगमा काम गर्ने गर्दथे । तर आज ठिक उल्टो हुदैछ । नेपाली सामान विदेशमा जान्थ्यो र डलर भित्रिन्थ्यो तर अहिले ठिक उल्टो परिपाटीको जन्म भएको छ।

अहिले नेपाली उद्योग नभएर विदेशि उद्योगले स्थान लिएको छ । डलर भित्रनु भन्दा बाहिर जाने क्रम बढ्दैछ। जनआन्दोलनपछि बन्द भएका उद्योग बन्द अवस्थामा छन् यता कसैको ध्यान पुग्न सकेको छैन । विदेशी सहयोग पाइराखेका छौं किन उद्योग लगाउनुपर्छ भन्ने मानसिकता बोकेकाहरूबाट देशको विकास होला भन्नु सपना मात्रै हो ।

आज हात थाप्ने प्रचलन र अरूको सहयोगमा देश चलेको वर्तमान अवस्थाले देखाएको छ । जबसम्म हरेक नेपाली परनिर्भरको जन्जीरमा रहनेछन् तबसम्म देश ओरालो लाग्दै जानेछ । देशले काचुली फेर्न आफ्नै उद्योग र उत्पादन हुनुपर्छ । नेपालको उत्पादनलाई अन्तराष्ट्रिय स्तरसम्म पुर्याउने वातावरण सरकारले मिलाउन सक्नुपर्छ र मात्र देशको स्तरमा सुधार हुनेछ ।

नेपाललाई हेर्ने तरिकामा सुधार हुन आवश्यक छ । यहाँ के छैन जलस्रोत छैन की तेल खानी छैन की फलाम खानी छैन की यति हुदा-हुदै पनि हानी पछि छौं । अरूले उत्पादन नगर भनेमा र कमिसन दिएमा मात्र पुग्ने गरेको देखिन्छ । नेपालमा शिक्षित बढी भएकाले नै यो देश खस्कदैछ । जुन देशमा बुद्धिजीवी बढी हुन थाल्छन् त्यहाँ काम गर्ने मानिसको अभाव हुन थाल्दछ ।

नेपालमा गर्ने भन्दा बसेर खानेको संख्या दिन प्रतिदिन बढ्दैछ । माग्ने र हात थाप्ने बानीले गर्दा नै आज युवा पलायन भएका छन् । सरकार जतिसक्दो युवालाई विदेशमा पठाएर भएपनि रेमिटेन्स भित्राउन चाहन्छ । देशमा उद्योग छैन आयका लागि स्रोत नभएपछि कर बढाउनु सहयोग माग्ने दिन नसके देश र नेपाली जनताको टाउकोमा ऋणको भार थुपार्दै जाने परिपाटी बढी रहेको छ ।

यो पनि पढनुहोस्

के भगवान छन् त ?

एमसीसी (MCC) भनेको के हो ?

*डा. राम बहादुर बोहरा नेपाल वैकल्पिक चिकित्सा विकास परिषद नवलपरासीको अध्यक्ष, बरिष्ट आयुर्वेद डाक्टर तथा साइन्स इन्फोटेकका सल्लाहकार हुनुहुन्छ ।

कुमारवर्ती औषधालय