काठमाडौं । प्रतिनिधिसभाको उपसभामुख पदमा श्रम संस्कृति पार्टीको तर्फबाट उम्मेदवार बनेकी रुबीकुमारी ठाकुर निर्वाचित भएकी छन् । आज शुक्रबार भएको निर्वाचनमा ठाकुरलाई उपसभामुखमा निर्वाचित गरियोस् भनी श्रम संस्कृति पार्टीकै सांसद आरेन राईले राखेको प्रस्ताव बहुमतले पारित भयो ।
आज शुक्रबार प्रतिनिधिसभाको बैठकमा भएको निर्वाचनमा राष्ट्रिय प्रजातन्त्र पार्टी (राप्रपा) बाट उपसभामुखको उम्मेदवार रहेकी सरस्वती लामालाई पराजित गर्दै ठाकुर निर्वाचित भएकी हुन् ।
ठाकुरको समर्थकमा राष्ट्रिय स्वतन्त्र पार्टी (रास्वपा) सांसद अशोककुमार चौधरी र श्रम संस्कृति पार्टीकी अम्बिकादेवी सङ्ग्रौला रहेका थिए भने लामाको प्रस्तावकमा राप्रपाका ज्ञानबहादुर शाही तथा समर्थकमा राप्रपाकै ताहिर अलि भाट, खुस्बु ओली र भरत गिरी रहेका थिए ।
